მომღერალი, კინომსახიობი, რეჟისორი, საქართველოს სახალხო არტისტი ვახტანგ კიკაბიძე 84 წლის ასაკში გარდაიცვალა.
ვახტანგ კიკაბიძემ მუსიკალური კარიერა 1959 წელს დაიწყო. 1967 წლიდან კი, ვოკალურ-ინსტრუმენტულ ანსამბლ „ორერას” სოლისტი გახდა. გამოცემული აქვს ათობით სინგლი და ალბომი.
Საესტრადო კარიერის გარდა, მას არაერთ ქართულ ფილმში აქვს ნათამაშები. Მათ შორის „ვერის უბნის მელოდიები”, „შეხვედრა მთაში”, „მიმინო”, „არ დაიდარდო”.
ბუბა კიკაბიძე იყო ვახტანგ გორგასლის III ხარისხისა და ღირსების ორდენების კავალერი. 1999 წელს მიენიჭა თბილისის საპატიო მოქალაქეობა. 2006 წელს თბილისის სახელმწიფო საკონცერტო დარბაზის წინ მისი სახელობის ვარსკვლავი გაიხსნა.
„ბილბორდ საქართველო“ ღრმა მწუხარებას გამოთქვამს ვახტანგ კიკაბიძის გარდაცვალების გამო და უსამძიმრებს მისი ოჯახის წევრებსა და თაყვანისმცემლებს.
