ნიკოლას ქეიჯი ყოფილი მეუღლის, ლიზა მარი პრესლის მოულოდნელ გარდაცვალებას გამოეხმაურა.
„ლიზას საუკეთესო სიცილი ჰქონდა მათ შორის, ვისაც კი შევხვედრილვარ. იგი გარშემო ყველაფერს ანათებდა. ძალიან გულგატეხილი ვარ. ნუგეშს იმის რწმენაში ვპოულობ, რომ იქ თავის ვაჟს, ბენჟამენს შეხვდება,” – თქვა მსახიობმა. ლიზა მარის 27 წლის შვილი ბენჟამენ კიოი 2020 წლის ივლისში სუიციდის შედეგად გარდაიცვალა.
ქეიჯი და პრესლი ქორწინებაში 3 თვის განმავლობაში იყვნენ. მსახიობი პრესლის მესამე ქმარი იყო, დენი კიოისა და მაიკლ ჯექსონის შემდეგ. 2006 წელს პრესლი მეოთხედაც დაქორწინდა გიტარისტ მაიკლ ლოქვუდზე.
ლიზა მარი პრესლის გამოშვებული აქვს სამი ალბომი : 2003, 2005 და 2012 წლებში. ყველა მათგანი „ბილბორდ 200-ის” ტოპ ათეულში მოხვდა.
