მას შემდეგ, რაც ფრანგმა საკულტო მუსიკოსებმა 2021 წლის თებერვალში ჯგუფის დაშლა გამოაცხადეს, Daft Punk-ის გარშემო ისეთი სიჩუმე სუფევდა, როგორც ცარიელ ღამის კლუბში. თუმცა სამშაბათს, 24 იანვარს, ჯგუფის წევრმა თომას ბანგალტერმა ახალი ამბავი გაავრცელა.
აპრილში, პროდიუსერი პირველ სოლო ალბომს – საორკესტრო პროექტს, სახელწოდებით Mythologies გამოუშვებს. ნამუშევარი ფრანგი ქორეოგრაფის ანჯელინ პრელიოკას ამავე სახელწოდების ბალეტისთვის შეიქმნა. შოუს პრემიერა კი, ბორდოში, ორკესტრის ეროვნულ Bordeaux Aquitaine-ში შედგა.
პრეს-რელიზის თანახმად საათ ნახევრიანი პარტიტურა ბაროკოს მუსიკის და ამერიკული მინიმალიზმის ელემენტებს შეიცავს, რომელიც პროგრესული ვარიაციების ქვეშ ვითარდება. აღსანიშნავია, რომ საორკესტრო ნამუშევარი ელექტრონულ ელემენტებისგან თავისუფალია.
პროექტი 2019 წლის შემოდგომაზე დაიწყო და 7 აპრილს Erato/Warner Classics-ის მეშვეობით გამოვიდა, როდესაც პრელიოკაიმ ბანგალტერი ახალი მუსიკალური ნაწარმოების დასაწერად მიიწვია. პრელიოკას რჩევით, ეს ნაწარმოები ოპერის და ეროვნული ბორდოს საბალეტო დასის 10 მოცეკვავისთვის უნდა ყოფილიყო განკუთვნილი.
„ოცდასამი სცენისგან შემდგარი დადგმა და მუსიკა სხვა არაფერია, თუ არა კაცობრიობის უძველესი და თანამედროვე მითების მემკვიდრეობა, რომელიც ჩვენს დღევანდელ ყოფაში პოვებს ასახვას.“ – ნათქვამია პრეს-რელიზში.
„ვფიქრობ ყველა ხელოვანს თავისუფლების განცდა უნდა ჰქონდეს, როგორც შემეძლო თომასს და მის მეგობრებს დავეხმარე, რათა მათ საშუალება ჰქონოდათ ბარიერები დაეძლიათ და გათავისუფლებულიყვნენ. ისინი ახალგაზრდები იყვნენ, ჯერ კიდევ ოცი წლისები და ინდუსტრიას მათი შებოჭვა შეეძლო, ჩემი წვლილი კარგი გარემოს შექმნა იყო, რომელიც შემოქმედებითად მათ თავისუფალი მუშაობის საშუალებას მისცემდა.“ – განუცხადა თომას ბანგალტერის მამამ დენიელ ვანგარდმა Billboard-ს გასულ ნოემბერში.
