მას შემდეგ, რაც მაყურებელი ანტრესოლის აივნიდან გადმოვარდა, დრეიკმა „აპოლოში“ კონცერტი შეაჩერა

შემთხვევა მუსიკოსის მეორე კონცერტის დროს ჰარლემის სივრცეში მოხდა.
დრეიკი „აპოლოს“ თეატრში წარმოდგენის დროს, 2023 წლის, 21 იანვარი, ნიუ-იორკი. ფოტო: დიმიტრიოს კამბერუსი
დრეიკი „აპოლოს“ თეატრში წარმოდგენის დროს, 2023 წლის, 21 იანვარი, ნიუ-იორკი. ფოტო: დიმიტრიოს კამბერუსი

კვირას საღამოს, „აპოლოს“ თეატრში წარმოდგენა მას შემდეგ შეჩერდა, რაც მამაკაცი ქვედა ანტრესოლის აივნიდან გადმოვარდა.

„უნდა დავრწმუნდე, რომ ვინმე არ დაშავდა“ – თქვა რეპერმა, როდესაც სცენაზე გუნდის წევრი ავიდა და მას ინფორმაცია შეატყობინა.

ინციდენტი შოუს დაწყებიდან ოთხმოცდამეათე წუთზე მოხდა, ზუსტად მაშინ, როდესაც სცენაზე Rich Flex-ის შესასრულებლად 21 Savage გამოვიდა. პაუზა დაახლოებით თხუთმეტი წუთი გაგრძელდა. დაშავებულს შესაბამისი დახმარება გაეწია.

„სამწუხაროდ გუშინ საღამოს, დარბაზში მსმენელს ინციდენტი შეემთხვა, რა დროსაც ის ქვედა ანტრესოლიდან გადმოვარდა და ორკესტრის ფლიგელში ჩავარდა. უბედური შემთხვევის გამო დრეიკის, „აპოლო“ თეატრის და კომპანია SiriusXM-ის ერთობლივი გადაწყვეტილებით შოუ შეჩერდა. სტანდარტული პროტოკოლის დაცვით დაშავებულ მამაკაცს დახმარება ადგილზე აღმოუჩინეს. გულშემატკივრის და აუდიტორიის სხვა წევრების თქმით, მათ სერიოზული დაზიანება არ მიუღიათ. „აპოლო“ ინციდენტს ამ დრომდე იკვლევს“. ნათქვამია ინსტაგრამზე „აპოლო“ თეატრის მიერ გამოქვეყნებულ განცხადებაში.

დრეიკის და კომპანია  SiriusXM-ის პარტნიორობით კონცერტი თავდაპირველად თერთმეტ ნოემბერს უნდა შემდგარიყო, თუმცა ამერიკელი რეპერის Takeoff-ის გარდაცვალების გამო ღონისძიება დეკემბერში გადაიდო, საბოლოოდ კი, შოუ იანვარში დაიგეგმა, რომელსაც მეორე კონცერტიც დაემატა.

Share
Tweet
Share
Share
Share

წინა სტატია

გიორგი დათიაშვილი – ახალგაზრდა მუსიკოსი, რომელიც დიდმა აუდიტორიამ  The Voice-დან გაიცნო

შემდეგი სტატია

Daft Punk გრემის 56-ე დაჯილდოების ცერემონიაზე, 2014 წლის 26 იანვარი, ლოს ანჯელესი, კალიფორნია. ფოტო ჯეისონ მერიტი

Daft Punk-ის წევრი თომას ბანგალტერი სოლო პროექტს აანონსებს. ნახეთ ალბომის ყდა

შეიძლება დაგაინტერესოთ

Aine Merme

Aine Merme-ს მუსიკალური საღამო

„ახალი EP სულ ოთხი სიმღერისგან შედგება რომელიც მუსიკის ჩემეულ აღქმას ასახვას და ინსტრუმენტული მუსიკის შესაძლებლობებს სხვადასხვა ეპოქის ჟანრების მიჯნაზე იკვლევს.“
მეტი
Nanka Gvari - 202

ნანკა გვარის ახალი სიმღერა  – 202

„ყოველთვის მინდოდა ჩემს სიმღერაში გამომეყენებინა ქართული ინსტრუმენტი ან ქართულ ნარატივზე ყოფილიყო. ჩემი აზრით ეს ამ სიმღერით მოვახერხე.“
მეტი