ბიორკმა თავისი ბოლო ტურნე Cornucopia ამჯერად ევროპაში დააანონსა.
„Cornucopia ყოველთვის ჩაფიქრებული იყო, როგორც საერთო სივრცე ორი ალბომის – Utopia-სა და მას შემდეგ გამოცემული Fossora-სთვის. ბედნიერი ვარ, რომ ეს ორი სამყარო ამ შემოდგომას სამხრეთ ევროპაში შეერთდება,” – აღნიშნა მომღერალმა.
თავდაპირველად შოუ Cornucopia ბიორკის მეცხრე ალბომზე Utopia-ზე იყო დაფუძნებული. წელს კი ტურნე გადაკეთდება და მომღერლის ახალ ალბომს Fossora-საც მოიცავს. Fossora საუკეთესო ალტერნატიული მუსიკალური ალბომის ნომინაციაში გრემიზეა წარდგენილი.
ბიორკის ევროპული ტურნე პირველ სექტემბერს ლისაბონში დაიწყება. მადრიდის, მილანის, პრაღის, ვენისა და ევროპის სხვა ქალაქების შემდეგ კონცერტების სერია 5 დეკემბერს ბორდოში დასრულდება. ტურნეს ბილეთები სამი თებერვლიდან გაიყიდება.
ნახეთ ბიორკის პოსტი და ტურნეს განრიგი
