გრემის 65-ე დაჯილდოებაზე ოზი ოზბორნი ოთხ კატეგორიაშია ნომინირებული ალბომისთვის Patient Number 9.
ბილბორდთან ინტერვიუში ოზბორნმა აღნიშნა, რომ მუსიკოსებთან თანამშრომლობაში უმართლებს, რადგან მისი კუმირების უმრავლესობასთან ერთად უკვე ნამუშევარი აქვს. თუმცა მას ჯერ კიდევ არ უთანამშრომლია მისთვის ყველაზე დიდ შთაგონების წყაროსთან, პოლ მაკარტნისთან. The Beatles-ის დიდმა ფანმა მაკარტნის ხმა ადრე უკვე მიაწვდინა. „მას ერთხელ ვთხოვე, მაგრამ უარი მითხრა.”
Patient Number 9 ვარსკვლავებით დატვირთული ალბომია. მათ შორის არიან ერიკ კლეპტონი, მაიკ მაკრედი, Black Sabbath-ის წევრი ტონი იომი. შთამბეჭდავია თანაავტორების სიაც – ჩედ სმითი, ალი ტამპოსი, ტეილორ ჰოუკინსი და სხვები.
ლეგენდარულმა მომღერალმა იმაზეც ისაუბრა, თუ რა გავლენა ჰქონდა მის კარიერაზე სატელევიზიო რეალითი შოუს და გაიხსენა, თუ როგორ ედგნენ ფანები მხარში ყოველ ნაბიჯზე. „ეს ისაა, რაც ყველაზე მეტად მენატრება. მე ძალიან სოციალური ადამიანი ვარ. მიყვარს ფანებთან საუბარი. საშინლად მენატრებიან.”
რამდენიმე დღის წინ ოზბორნმა სოციალურ მედიაში დაწერა: „ეს ალბათ ერთ-ერთი ყველაზე მძიმე ამბავია, რაც კი ოდესმე ჩემი ერთგული ფანებისთვის გამიზიარებია.” მომღერალმა ასე ტურნეს დასრულება გამოაცხადა და თქვა, რომ ევროპაში დაგეგმილი კონცერტები გაუქმდა. „დამიჯერეთ, როცა ამას ვამბობ, ფიქრები, რომ ჩემს ფანებს იმედები გავუცრუე, მანადგურებს. იმაზე მეტად, ვიდრე ეს თქვენ წარმოგიდგენიათ. ჩემი გუნდი ახლა ახალ იდეებზე მუშაობს, თუ როგორ შემიძლია წარვდგე მსმენელის წინაშე მოგზაურობის გარეშე.”
ბილბორდთან ინტერვიუში კი ოზბორნმა განაცხადა: „ჩემი მიზანია, რაც შეიძლება სწრაფად დავბრუნდე სცენაზე.”
