ავსტრალიაში, აპრილში, ცნობილი ბენდი Smashing Pumpkins ათ დღიან ფესტივალს The World Is A Vampire-ს გამართავს.
ფესტივალის სახელწოდება სიმღერა Bullet with Butterfly Wings-ის ტექსტიდან არის აღებული. სიმღერა 1995 წელს გამოშვებული გრემის ჯილდოს მფლობელ მესამე სტუდიურ ალბომშია (Mellon Collie and the Infinite Sadness) შესული.
ღონისძიება 15 აპრილს Stuart Park-ში დაიწყება და 30 აპრილს Broadwater Parklands-ში, „ოქროს სანაპიროზე“ დასრულდება.
მუსიკალურ ფესტივალში ARIA-ს ჯილდოს მფლობელი პანკ-როკ ბენდი – Amyl And The Sniffers, სიდნეიში დაფუძნებული როკ ჯგუფი – RedHook, შვიდკაციანი გიტარისტთა ჯგუფი – Battlesnake და ადგილობრივი არტისტები მიიღებენ მონაწილეობას.
ალტერნატიული მუსიკის ფესტივალი აუდიტორიას ტრადიციული პროგრამისგან თავის დაღწევას და მრავალფეროვან აქტივობებს ჰპირდება.
