ახალგაზრდა მუსიკოსმა და კომპოზიტორმა ნიკა თხელიძემ ემბიენთი, სინემატიკური EP – სახელწოდებით In the Arms of Morpheus გამოუშვა, რომელიც ქართულმა მუსიკალურმა კომპანია Bloom Music-მა გაავრცელა.
EP ოთხ ტრეკს აერთიანებს, რომელიც ბერძნული მითოლოგიის სიზმრის ღმერთის მორფევსის ინსპირაციით შეიქმნა.
„თუ ვინმე ამ EP-ს მოუსმენს შეუძლია საკუთარი დასკვნები გამოიტანოს და თავისებურად აღიქვას. თავად ამ EP-ის სახელწოდება In the Arms of Morpheus და ტრეკების სათაურიც ბერძნულ მითოლოგიასთან არის კავშირში. კერძოდ მორფეუსთან სიზმრების ღმერთთან. პირადი მიზეზების გამო გადავწყვიტე ამ თემაზე შემექნა კომპოზიციები.
ბოლო პერიოდში საკუთარ თავს გადამხდარი გარკვეული მოვლენების გამო, ჩემს ფიზიკურ და მენტალურ ჯანმრთელობას დიდი ზიანი მიადგა და საკუთარ სიზმრებში თუ ფიქრებში დაკარგვას დავეჩვიე, ერთი სიტყვით მორფეუსის სამყაროში დავიკარგე. ზუსტად ამას ეხმიანება მოცემული EP-ის შინაარსი და ტექსტიც: It is a man’s fate to be forgotten, and it is in man’s nature to forget himself in his dreams. Აღსანიშნავია ისიც, რომ ალბომის ქავერი ხელოვნური ინტელექტის საშუალებით არის შექმნილი და სხვა არტისტის ნამუშევარი გამოყენებული არ არის. მთელი EP სიზმრების სამყაროში მოგზაურობის ისტორიაა და ამიტომაც კონკრეტულ ტრეკს ვერ გამოვარჩევ.
ეს არის ისტორიები და მოგზაურობა სიზმრის დაწყებიდან გაღვიძებამდე.“ – მუსიკოსი ნიკა თხელიძე
მოუსმინეთ ნიკა თხელიძის EP-ს Deezer-ზე:
