ტრენტ რეზნორი და ატიკუს როსი დევიდ ფინჩერთან კიდევ ერთხელ ითანამშრომლებენ. ოსკარის მფლობელი დუეტი რეჟისორის ახალი ნამუშევრისათვის ერთიანდება. The Killer – ასე ჰქვია ფინჩერის მძაფრსიუჟეტიან სურათს, რომელშიც რეზნორისა და როსის დაწერილი საუნდტრეკი გაჟღერდება. ფილმი Netflix-ზე 2023 წლის 10 ნოემბერს გამოვა.
სიახლე Nine Inch Nails-ის ვებ გვერდზე გამოქვეყნდა – „ტრენტ რეზნორმა და ატიკუს როსმა რეჟისორ დევიდ ფინჩერთან არაერთხელ ითანამშრომლეს “ – ვკითხულობთ განცხადებაში. – „მათ საუნდტრეკი ამჯერად ფინჩერის მომდევნო პროექტის – The Killer-სათვის დაწერეს.“
არტისტების დუეტმა მუსიკალური კომპოზიცია რეჟისორის არაერთი ცნობილი ფილმისათვის შექმნა. მათ შორის არის Gone Girl და The Girl With the Dragon Tattoo.
აღსანიშნავია, რომ 2021 წელს რეზნორისა და როსის დუეტმა ანიმაციური ფილმის, Soul-ის საუნდტრეკისათვის ოსკარი მიიღო.
