ახალ ანიმაციურ სერიალში მეთიუ მაკკონაჰი ელვის პრესლის ახმოვანებს: ნახეთ პირველი ტრეილერი

Agent Elvis – ასე ჰქვია ანიმაციას და მისი პრემიერა სტრიმინგ სერვის Netflix-ზე მარტში შედგება.

სტრიმინგ სერვის Netflix-ზე  ანიმაციური სერიალი გამოვა, რომლის მთავარი გმირი ელვის პრესლი იქნება. ლეგენდარული მომღერლის პერსონაჟს ოსკაროსანი მსახიობი მეთიუ მაკკონაჰი ახმოვანებს. ანიმაციის თანაავტორი და აღმასრულებელი პროდიუსერი ელვის პრესლის ცოლი, პრისცილა პრესლია.

აღსანიშნავია, რომ დაანონსებული პროექტი ბიოგრაფიული ნამუშევარი არ არის – ეს სათავგადასავლო ანიმაციაა, რომელშიც ელვის პრესლის პერსონა ინტერპრეტირებული სახით არის წარმოჩენილი. ანიმაციურ სერიალში, სახელწოდებით Agent Elvis, ელვისის გმირი ჯაშუშია. სიუჟეტის მიხედვით, მთავარი პერსონაჟი ვარსკვლავური კარიერისა და შენიღბული აგენტის საქმიანობის ერთმანეთთან შეთავსებას ცდილობს. ანიმაციის პრემიერა 2023 წლის მარტში შედგება.

როგორც  Netflix-ის მიერ გამოქვეყნებულ მოკლე აღწერილობაში ვკითხულობთ, ელვის პრესლი საიდუმლო სამთავრობო პროგრამაში მონაწილეობს და ცდილობს, ქვეყანა მოსალოდნელი საფრთხისაგან გადაარჩინოს. „ეს ყველაფერი კი მაშინ ხდება, როცა ის როკ-ენ-როლის მეფის სტატუსით, თავის ყოველდღიურ საქმეს აკეთებს“ – აღნიშნულია ანოტაციაში. 

პრისცილა პრესლისთან ერთად, სერიალის აღმასრულებელი პროდიუსერი თავად მეთიუ მაკკონაჰია. აღნიშნულ პროექტზე Netflix-მა კინოსტუდია Sony Pictures-თან ერთად იმუშავა. 

ნახეთ Agent Elvis-ის ტრეილერი:

Share
Tweet
Share
Share
Share

წინა სტატია

ბარბარა სტრეიზანდი - 2018 წლის 10 ივნისი. ფოტო: ჯეისონ მერიტი.

ბარბარა სტრეიზანდის მემუარების My Name Is Barbra-ს გამოსვლის თარიღი ცნობილია

შემდეგი სტატია

Depeche Mode-მა ახალი სინგლი და ვიდეო გააზიარა

შეიძლება დაგაინტერესოთ

ქართველი რეჟისორი, რომელიც მსოფლიო მუსიკალურ, კინო და სარეკლამო ინდუსტრიაში მოღვაწეობს – ინტერვიუ ლადო კვატანიასთან

ლადო კვატანია არაერთი მუსიკალური ვიდეოს შემქმნელია. მათ შორისაა Cardi B-ის, კანიე უესტისა და Lil Durk-ის ტრეკზე - Hot Shit გადაღებული ვიდეო.
მეტი

GMI-ს მხარდაჭერით ევროპის მასშტაბით უმსხვილეს საერთაშორისო მუსიკალურ სამიტზე და Palma Songwriting Camp-ზე ქართველი არტისტი Lua წარდგება

„გვინდა, რომ ამას სისტემური ხასიათი მივცეთ და ყოველ წელს მინიმუმ ერთი ქართველი მოხვდეს Songwriting Camp-ში, რაც იქნება დიდი შანსი ქართველი არტისტებისთვის, რომ საერთაშორისო ასპარეზზე გამოვიდნენ.” - ზურაბ ბეჟაშვილი GMI-ს დირექტორი.
მეტი
ლენი კრავიცი, 2023 წლის 12 მარტი, ჰოლივუდი. ფოტო: მაიკ კოპოლა

ლენი კრავიცი TikTok-ს შეუერთდა

2012 წელს ვირუსულად გავრცელებული ფოტოს მსგავსად, ლეგენდარული მუსიკოსი TikTok ვიდეოში დიდი კაშნეთი გამოჩნდა: „ეს შემოდგომის პირველი დღეა."
მეტი

ნინო ქათამაძე ამერიკაში ტურნეს მართავს

„ნინოს ემოციური ხმა ატყვევებს აუდიტორიას მთელი მსოფლიოს მასშტაბით. ეს ის ტურნეა, რომელიც მუსიკის მოყვარულებმა არ უნდა გამოტოვონ,” - წერს ამერიკულ ონლაინ პლატფორმა.
მეტი