22 თებერვალს Sophie Villy-ის კონცერტი და მუსიკალური ვიდეოს პრეზენტაცია გაიმართება

სიმღერა Blackout და მასზე გადაღებული ვიდეო უკრაინის მოვლენებს ეძღვნება.
SOPHIE VILLY
SOPHIE VILLY

22 თებერვალს, ბარში  „დედაენა“ Sophie Villy-ის კონცერტი გაიმართება. საღამოზე არტისტი მუსიკალურ ვიდეოს წარადგენს, რომელიც გადაღებულია სიმღერაზე, სახელწოდებით  – Blackout. კომპოზიცია და ვიდეო უკრაინის მოვლენებს ეძღვნება.  

აღსანიშნავია, რომ Blackout მუსიკოსის მეორე ნამუშევარია, რომელიც უკრაინის ომს ეხმიანება.

Sophie Villy: 

ჩემი მეგობრები, ნათესავები, ბენდის წევრები, კოლეგები უკრაინაში განვითარებული ტრაგიკული მოვლენების ფონზე, მძიმე ვითარებაში აღმოჩნდნენ. ომის დაწყებიდან მათთან მუდმივ კონტაქტზე ვარ. ერთ დღესაც,  როდესაც ჩემს დრამერს ვესაუბრებოდი,  მითხრა, რომ რამდენიმე დღის განმავლობაში  მოსახლეობა ელექტრო ენერგიის გარეშე იყო. Blackout  ამ საუბრიდან ძალიან მალევე დაიწერა. შემდეგ ჩემს მეგობრებს მოვასმენინე და გადავწყვიტეთ,  კომპოზიციაზე მუსიკალური ვიდეო გადაგვეღო. ვიდეოს შექმნაში ოპერატორი დიტო დეკანოსიძე და ხმის დიზაინერი Მაკარი გოგოლაძე დამეხმარნენ.“

დაგეგმილი მუსიკალური ლაივის თარიღი სიმბოლური დატვირთვის მატარებელია. 22 თებერვალს  Sophie Villy-ის პირველი ალბომის, Mother Fish-ის გამოსვლიდან 11 წელი გადის. აღსანიშნავია, რომ  საკმაოდ დიდი ხანია, რაც საქართველოში Sophie Villy-ის ლაივი არ ჰქონია. დაგეგმილ საღამოზე  მსმენელი ახალ კომპოზიციებთან ერთად, ძველ ნამუშევრებსაც მოისმენს.  ლაივის მსვლელობისას Sophie Villy-ისთან ერთად აუდიტორიის წინაშე არაერთი გამორჩეული ქართველი ინსტრუმენტალისტი მუსიკოსი წარდგება – ლევან მიქაბერიძე – ბასი, სოლო ყავრელიშვილი – გიტარა, სანდრო ნიკოლაძე ფლეიტა და გიორგი ტეცოშვილი – დრამი.  

საღამოზე სპეციალურად მოწვეული მუსიკოსებიც გვეყოლებიან, თუმცა, ლაივამდე მათ ვინაობას მსმენელისათვის სიურპრიზად დავტოვებთ.“ – Sophie Villy. 

რაც შეეხება  Blackout-ის მუსიკალური ვიდეოს პრეზენტაციას, 22 თებერვალს მას მხოლოდ კონცერტზე  დამსწრები აუდიტორია იხილავს. დახურული  ჩვენების შემდეგ, ის არაერთ უკრაინულ პლატფორმაზე განთავსდება. კლიპი სოციალური მედიის არხებსა და Youtube-ზეც გამოქვეყნდება.

Share
Tweet
Share
Share
Share

წინა სტატია

2023 წლის Brit Awards-ის წითელ ხალიჩაზე სემ სმითი ყურადღების ცენტრში ლატექსის გასაბერი ტანსაცმლით მოექცა

შემდეგი სტატია

Linkin Park - ფოტო: ჯეიმს მინჩინი

Linkin Park-მა Meteora-ს მეოცე საიუბილეო გამოცემის გამოსვლა დააანონსა და სიმღერა Lost-ის გამოუქვეყნებელი ვერსია გააზიარა, რომელსაც ჩესტერ ბენინგტონი მღერის

შეიძლება დაგაინტერესოთ

ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი

წინანდალში ბერლინის ფილარმონიული ორკესტრი „ევროპაკონცერტს” გამართავს

კონცერტი მაესტრო დანიელ ბარენბოიმის დირიჟორობით 2024 წლის 1-ელ მაისს წინანდლის ამფითეატრში გაიმართება. კონცერტში მონაწილეობას მიიღებს ქართველი მევიოლინე ლიზა ბათიაშვილი.
მეტი