Linkin Park-მა Meteora-ს მეოცე საიუბილეო გამოცემის გამოსვლა დააანონსა და სიმღერა Lost-ის გამოუქვეყნებელი ვერსია გააზიარა, რომელსაც ჩესტერ ბენინგტონი მღერის

ბენდმა Meteora-ს სესიების დროს ჩაწერილი და აღმოჩენილი სიმღერა გამოაქვეყნა.
Linkin Park - ფოტო: ჯეიმს მინჩინი

ალბომ Meteora-ს გამოსვლიდან ოცი წლის შემდეგ, Linkin Park-მა Meteora 20th Anniversary Edition-ის გამოსვლა დააანონსა. ჩანაწერები შვიდ აპრილს გამოვა. ალბომი აქამდე გამოუქვეყნებელ   რამდენიმე სიმღერას შეიცავს.

ერთ-ერთი სიმღერაა Lost, რომელსაც ბენდის ვოკალისტი ჩესტერ ბენინგტონი მღერის. მომღერალი 2017 წელს გარდაიცვალა და სიმღერის ეს ვერსია აქამდე გამოქვეყნებული არ ყოფილა. ალბომის საიუბილეო თარიღისთვის – ბენდმა ჩანაწერების ხელახლა გადახედვისას ჩესტერ ბენინგტონის მიერ შესრულებული ეს სიმღერა აღმოაჩინა.

„ამ ტრეკის აღმოჩენა ძველი, დავიწყებული ფოტოს აღმოჩენას ჰგავდა, თითქოს შესაფერის მომენტს ელოდა საკუთარი თავის გამოსავლენად. წლებია თაყვანისმცემლები ჩესტერ ბენინგტონის შესრულებით სიმღერის გამოქვეყნებას გვთხოვენ, აღფრთოვანებული ვარ, რომ ეს შევძელით. დარწმუნებული ვარ მსმენელი გაოცდება, როდესაც სიმღერებს მოისმენენ.“ – თქვა ჯგუფის წევრმა მაიკ შინოდამ პრესასთან საუბარში.

ალბომი Meteora –  2023 წელს გამოვა, სადაც  Linkin Park-ის ყველაზე ცნობილი ჰიტები იქნება შესული: Numb, Breaking the Habit, Faint, Somewhere I Belong და Lying From You,  ყველა მათგანი Billboard-ის ალტერნატიული სიმღერების ჩარტის სათავეშია მოხვედრილი. 

ნახეთ სიმღერა Lost-თვის შექმნილი ოფიციალური ანიმაციური ვიდეო:

Share
Tweet
Share
Share
Share

წინა სტატია

SOPHIE VILLY

22 თებერვალს Sophie Villy-ის კონცერტი და მუსიკალური ვიდეოს პრეზენტაცია გაიმართება

შემდეგი სტატია

ფეხმძიმე ჯესი ჯეიმ ახალი სიმღერის დაანონსებისას შვილის სქესი გაამხილა

შეიძლება დაგაინტერესოთ

Guns N’ Roses ხელოვნური ინტელექტის მიერ შექმნილ ვიდეოს აზიარებს

2023 წლის სინგლზე შექმნილი ვიდეო მოიცავს ბენდის ლაივკონცერტების ჩანაწერებს, რომლებიც ხელოვნური ინტელექტის მიერ შექმნილ ფუტურისტული სამყაროს კადრებს ერწყმის.
მეტი