რიანამ მსოფლიო გააკვირვა, როდესაც 2023 წლის Super Bowl Halftime Show-ზე ორსულობა გაამჟღავნა. მომღერალს წითელი კოსტიუმი ეცვა, რომელშიც გაზრდილი მუცელი ეტყობოდა. როგორც მოგვიანებით გაირკვა, შოუს ქორეოგრაფიულ ნომრებში მონაწილე მოცეკვავეებმა ვარსკვლავის ორსულობის შესახებ არაფერი იცოდნენ.
Entertainment Tonight-თან საუბრისას Halftime Show-ში მონაწილე ორმა მოცეკვავემ, ლეილა ჰეისმა და ლანიაე კემპბელმა გაამხილეს, რომ რეპეტიციების დროს რიანას ორსულობას ყველა საიდუმლოდ ინახავდა. როგორც მათ აღნიშნეს, რეპეტიციებზე ვარსკვლავის ჩაცმულობა ისე იყო შერჩეული, რომ მას მუცელს ვერავინ ამჩნევდა. Ჰეისმა და კემპბელმა დაადასტურეს, რომ მოცეკვავეებმა რიანას ორსულობის შესახებ, სწორედ Super Bowl-ის მსვლელობისას შეიტყვეს.
„ყველა დაბნეული ვიყავით, როდესაც ვუყურებდით როგორ ავიდა სცენაზე და საჯაროდ გამოაჩინა მუცელი. ერთ რეპეტიციაზე იგივე კოსტიუმი ეცვა, თუმცა ელვა შეკრული ჰქონდა.“ – აღნიშნეს მათ.
შოუს შემდეგ ლანიაე კემპბელმა TikTok-ზე ვიდეო გამოაქვეყნა, რომელშიც გამომწერების მთავარ კითხვას უპასუხა – „მუცელი იქამდე არ მინახავს, შოუს დღესაც კი. YouTube-ის ჩანაწერს ვუყურე, რომ მომხდარი გამეანალიზებინა. რეპეტიციებზე ქურქებით და დიდი სვიტერებით მოდიოდა… თავადაც გაკვირვებული დავრჩი.“ – განმარტა კემპბელმა.
Super Bowl-ის დამთავრების შემდეგ მალევე, რიანას ოფიციალურმა წარმომადგენელმა დაადასტურა, რომ ვარსკვლავი და რეპერი A$AP Rocky მეორე შვილს ელოდებიან. რიანას პირველი შვილი 2022 წლის მაისში შეეძინა.
ნახეთ ლანიაე კემპბელის მიერ TikTok-ზე გამოქვეყნებული ვიდეო, რომელშიც ის რიანას ორსულობაზე საუბრობს:
@luhnyae Replying to @koochiepotpie tried to answer most of the main questions with this one! And did we get paid? YESSS AHH #rihannahalftimeshow #fyp ♬ original sound – Luhnyae
