სტინგი  Ivors Academy-ის წევრი გახდება

მუსიკოსი ჯილდოს 18 მაისს, ლონდონში The Ivors Academy-ში მიიღებს.
სტინგი - ფოტო: MK
სტინგი – ფოტო: MK

სტინგი  Ivors Academy-ის უმაღლეს ჯილდოს მიიღებს და 2023 წელს აკადემიის სტიპენდიატი გახდება, დაჯილდოება ლონდონში, თვრამეტ მაისს Grosvenor House-ში გაიმართება.

სამოცდაცხრამეტ წლიანი ისტორიის განმავლობაში აკადემიამ ეს ჯილდო ოცდამესამედ გასცა, რომლის პატივიც სწორედ სტინგს ერგო. ჯილდოს წინამორბედი მფლობელები  არიან სერ პოლ მაკარტნი, ქეით ბუში, ჯოან არატრედინგი და პიტერ გაბრიელი, ამ უკანასკნელმა ეს ჯილდო გასულ წელს მიიღო.

„მუსიკის სამყაროში მიღებული ყველა ჯილდოდან Ivors-ის ჯილდო ჩემთვის ყველაზე პრესტიჟულია, სიმღერების წერა გამოცდილებაა, რომლის გილდიაც სწორედ Ivors Academy-ია. მოხარული ვარ, რომ ეს ჯილდო  შემომთავაზეს. ჩემთვის დიდი პატივია შევუერთდე იმ აღიარებულ, არაჩვეულებრივ მუსიკოს-კომპოზიტორთა ჯგუფს, ვინც ეს ჯილდო უკვე მიიღო.“ – ნათქვამია სტინგის განცხადებაში.

სტინგს  Ivor Novellos/მუსიკის წერის ჯილდო შვიდჯერ აქვს მოგებული, მათ შორის 2002 წელს კარიერის მიღწევის ჯილდო. იმავე წელს მუსიკოსი ნიუ-იორკში დაფუძნებულ სიმღერების ავტორთა დიდების დარბაზში შევიდა. 

სტინგი ჩვიდმეტი გრემის მფლობელია. 2002 წელს მუსიკოსმა Primetime Emmy – გამორჩეული შესრულებისთვის მიიღო. მას  საუკეთესო ორიგინალური სიმღერისთვის  ოთხი ოსკარი აქვს მიღებული. 

Ivors Academy-ის განცხადების შემდეგ, სტინგის შესახებ ბრიტანელმა მუსიკოსმა Armatrading-მა თქვა: „სტინგი დიდი ბრიტანეთის ერთ-ერთ ყველაზე გამორჩეული და წარმატებული სიმღერების ავტორი და შემსრულებელია. სტინგი მუსიკალურ სამყაროში ერთ-ერთ ყველაზე პრესტიჟულ ჯილდოს ნამდვილად იმსახურებს, ვულოცავ  მას Ivors Academy-ის წევრობას“.

Ivor Novellos 1956 წელს დაარსდა, სადაც სიმღერების ავტორებს და კომპოზიტორებს The Ivors Academy-დან დიდი ბრიტანეთის კომპოზიტორთა პროფესიული ასოციაციის წევრები აჯილდოებენ. ამ ჯილდოს მფლობელები არიან ადელი, სტრომზი, Little Simz, კეტ დენისი, ენი ლენოქსი, ემი ვაინჰაუსი და ჯონ ლენონი. 

წელს ნომინაციები 18 აპრილს გამოცხადდება, გამარჯვებულები კი 18 მაისს გამოვლინდებიან.

Ivors Academy-ის განცხადებით მათი ახალი სპონსორი Amazon Music-ია.

სტინგის პატივსაცემად, Amazon Original-ი მუსიკოსის უახლესი სტუდიური ალბომიდან The Bridge ექსკლუზიურად Amazon Music-ის პლატფორმაზე სტინგის სიმღერის If It’s Love-ის დემო ვერსია გამოქვეყნდება. Amazon Music მომხმარებლებს საშუალებას აძლევს არტისტების სიმღერის დემო ვერსიაც მოისმინონ.

Share
Tweet
Share
Share
Share

წინა სტატია

კინოაკადემიის პრეზიდენტი ამბობს, რომ მათი პასუხი უილ სმითის მიერ კრის როკისთვის სახეში გარტყმაზე არაადეკვატური იყო

შემდეგი სტატია

Super Bowl-ის მუსიკალური შოუს მონაწილე მოცეკვავეებმა რიანას ორსულობის შესახებ არ იცოდნენ

შეიძლება დაგაინტერესოთ

მუსიკალური გამომცემლების ეროვნული ასოციაცია Spotify-ს არალიცენზირებული მასალის განთავსებაში ადანაშაულებს

ასოციაციამ Spotify-ს ოფიციალური წერილით მიმართა და ამ მასალის პლატფორმიდან ამოღება მოსთხოვა.
მეტი

TBILISI NEWCOMERS 2024

Tbilisi Newcomers 2024-ზე საკონკურსო ნამუშევრების მიღებამდე ერთი დღე რჩება.
მეტი

Wicked-ის კადრს მიღმა სცენებში არიანა გრანდე და სინთია ერივო როლზე დამტკიცებას ემოციურად ხვდებიან

პრემიერამდე რამდენიმე თვით ადრე კინოსტუდია Universal Pictures-მა კადრს მიღმა დარჩენილი სცენების ვიდეო გამოაქვეყნა, რომელშიც მთავარი გმირები პროექტზე საუბრობენ.
მეტი