Guns N’ Roses-მა 2023 წლის ტურნე დააანონსა. ვეტერანი როკერები ახლო აღმოსავლეთში, ევროპასა და ჩრდილოეთ ამერიკაში ფესტივალებზე, სტადიონებსა და არენებზე დაუკრავენ.
გლობალური ტურნე სტარტს 5 ივნისს თელ-ავივში აიღებს. შემდეგ გაგრძელდება მადრიდში, კოპენჰაგენში, ლონდონში, პარიზსა და ათენში. 5 აგვისტოს კი ჩრდილოეთ ამერიკაში გადაინაცვლებს. მონრეალის, ბოსტონის, ჩიკაგოს, ნეშვილის, ტორონტოსა და სხვა ქალაქების შემდეგ ტურნე 16 ოქტომბერს ვანკუვერში დასრულდება.
მიუხედავად იმისა, რომ ბენდს ამ ეტაპზე ახალი მუსიკის გამოცემა არ დაუანონსებია, გავრცელებულ თიზერში ისინი მსმენელს ჰპირდებიან, რომ მალე ახალ ამბებსა და სიურპრიზებს გაამხელენ.
ნოემბერში Guns N’ Roses-მა 1991 წელს გამოცემული Use Your Illusion-ის 2 ალბომისა და მანამდე გამოუქვეყნებელი 63 კომპოზიციისა და ვიდეოების ნაკრები გამოუშვა.
