რიანამ Billboard Artist 100-ის ჩარტებში 22-ე ადგილიდან პირველ ადგილზე გადაინაცვლა. Billboard Artist 100-ის ჩარტები 2014 წელს გაეშვა, ხოლო აღნიშნული პოზიცია რიანამ პირველად დაიკავა. ეს შედეგი Super Bowl LVII Halftime Show-ს დამსახურებაა, რომელიც 12 თებერვალს გაიმართა.
Super Bowl-ის ტაიმებს შორის გამართულ მუსიკალურ შოუზე რიანამ 13 სიმღერა შეასრულა. მუსიკალური სტრიმებისა და გაყიდვების პროვაიდერი კომპანია Luminate-ის ინფორმაციით, ამ მოვლენას არტისტის უახლეს შემოქმედებით კარიერაში ყველაზე წარმატებული კვირა მოჰყვა. მისმა მუსიკალურმა კატალოგის ოფიციალური სტრიმების რაოდენობამ, შეერთებული შტატების მასშტაბით, 166.1 მილიონს გადააჭარბა.
Billboard 200-ის ჩარტებში რიანას ხუთი ალბომი მოხვდა: Anti (მე-8 ადგილი), Good Girl Gone Bad (მე-15 ადგილი), Unapologetic (მე-18 ადგილი), Loud (26-ე ადგილი) და Talk That Talk (49-ე ადგილი). ბოლო 50 წლის განმავლობაში, რიანა გახდა მე-7 არტისტი, რომლის სულ მცირე ხუთი ალბომი ჩარტების მოწინავე 50 პოზიციაზე გადანაწილდა. რიანასთან ერთად, სხვადასხვა დროს ეს შედეგი აჩვენეს ტეილორ სვიფტმა, მაკ მილერმა, Prince-მა, უიტნი ჰიუსტონმა, Glee-მ და გართ ბრუკსმა.
Billboard Hot 100-ის ჩარტებში რიანა ოთხი სიმღერით არის წარმოდგენილი: Umbrella, Diamonds, We Found Love და ახალი კომპოზიცია, სახელწოდებით – Lift Me Up.
Billboard Artist 100-ის ჩარტებში ასევე მოხვდა Paramore, რომელიც მე-5 ადგილზეა. ჯგუფმა ეს პოზიცია ახალი სტუდიური ალბომის, სახელწოდებით This Is Why გამოცემის შემდეგ დაიკავა.
