HBO-ს სერიალ The White Lotus-ის გმირები გადაღების მიღმა ერთობიან და კარაოკე სესიებში იღებენ მონაწილეობას. სერიალის ვარსკვლავმა ჰეილი ლუ რიჩარდსონმა, სამშაბათს InStyle-თან ინტერვიუში თქვა, რომ კარაოკეს დროს მისი ფავორიტი სიმღერები მიუზიკლ Grease-ის და Spice Girls-ის ტრეკებია.
„Spice Girls-ის ბევრი სიმღერა ვიმღერე, ასევე მიუზიკლ Grease-დან სიმღერა Summer Nights ადამ დიმარკოსთან ერთად დუეტში შევასრულე.“ – თქვა მსახიობმა.
ჰეილი ლუ რიჩარდსონისა და ადამ დიმარკოს მიერ შესრულებული Grease-ის ტრეკი, როგორც ჩანს იმდენად შთამბეჭდავი აღმოჩნდა, რომ მსახიობთა გუნდის დიდი მოწონება დაიმსახურა. ეს სიმღერა დაფნის როლის შემსრულებელი მსახიობის მეგან ფეის ფავორიტიც აღმოჩნდა: „რაც მე ვიმღერე კარაოკეს დროს ჩემი საყვარელი სიმღერა ნამდვილად არ იყო, თუმცა სიმღერა Summer Lovin [Nights] ჰეილიმ და ადამმა დუეტში იმღერეს და ეს მართლაც საოცარი შესრულება იყო, რომელმაც დიდი ხმაური და აღტაცება გამოიწვია.“ – იხსენებს მსახიობი ოქტომბერში ჟურნალ Vulture-თან მიცემულ ინტერვიუში.
