ფედერალურმა სასამართომ მომღერალ R. Kelly-ს 20-წლიანი პატიმრობა შეუფატდა. საქმე ამჯერად ჩიკაგოში ჩადენილ დანაშაულს ეხება, რომელიც ბავშვთა პორნოგრაფიას და არასრულწლოვანთა მიმართ ჩადენილ სქესობრივ დანაშაულებს მოიცავს.
აღსანიშნავია, რომ წინა პროცესზე ნიუ იორკის სასამართლომ R. Kelly-ს 30 წლიანი პატიმრობა მიუსაჯა. ჩიკაგოს მოსმენაზე პროკურატურამ სასამართლოს შუამდგომლობით მიმართა, რომ ახალი სასჯელის ათვლა მას შემდეგ დაწყებულუყო, რაც მუსიკოსი უწინდელ მსჯავრს – 30 წელს მოიხდიდა. თუკი მოსამართლე აღნიშნულ შუამდგომლობას დააკმაყოფილებდა, ეს პრაქტიკულად სამუდამო პატიმრობას ნიშნავდა. მოუხედავად მბრალდებელის პოზიციისა, ფერედალური სასამართლოს გადაწყვეტილებით სასჯელი არ დაჯამდა და R. Kelly სასჯელაღსეულების დაწესებულებაში 30 წელს გაატარებს და ციხის დატოვების შესაძლებლობა 80 წელს გადაცილებულს ექნება.
R. Kelly 1967 წელს ჩიკაგოში დაიბადა. მან მსოფლიო პოპულარობა ჰიტით, სახელწოდებით I Believe I Can Fly მოიპოვა და მსოფლიოში R&B-ის შემსრულებელ ვარსკვლავთა რიგებში აღმოჩნდა.
რაც შეეხება მის სასამართლო საქმეებს, მბრალდებლებმა ოფიციალურ დოკუმენტებში იგი მოიხსენიეს, როგორც „სერიული სექსუალური მოძალადე“, რომელიც თავის პოპულარობას და სიმდიდრეს დანაშაულის ჩადენისათვის იყენებდა და ფანებზე სექსუალურად ძალადობდა.
R. Kelly-ის ადვოკატმა,ჯენიფერ ბონჯინმა, პროკურორები „შეთხზულ ნარატივში“ და მოსამართლეზე ზემოქმედების მცდელობაში დაადანაშაულა.
ადვოკატმა ასევე აღნიშნა, რომ კელი საკმარისად დაიტანჯა. ბონჯინმა თქვა, რომ მისი დაცვის ქვეშ მყოფის ქონება ოდესღაც 1 მილიარდ დოლარს შეადგენდა, ახლა კი ის „გაჭირვებულია“.
