ლანა დელ რეი, რომელიც სიმღერების წერისას იმპროვიზაციულ ტექნიკას იყენებს, ბოლო დროს მისმა შემოქმედებამ და ხმამ ბავშვობაში დააბრუნა – ოჯახურ მოგონებებში, როცა ისინი წინააღმდეგობებით სავსე გზას დაადგნენ.
სწორედ ეს თემაა წამოწეული მომღერლის რიგით მეცხრე ალბომში Did You Know That There’s a Tunnel Under Ocean Blvd, რომელიც ამ წლის 24 მარტს გამოვა. „თავიდან ცოტა არაკომფორტულად ვიყავი,” – ამბობს ლანა დელ რეი პირადი თემების წარმოჩენის შესახებ. „შემდეგ კი, მადლობა ღმერთს, ეს ნერვიულობა მომეხსნა.”
2012 წელს გამოცემულმა სადებიუტო სიმღერამ Born To Die ლანა დელ რეი ვარსკვლავად აქცია. თუმცა მომღერალი ამერიკული ოცნების რომანტიკულ და ბნელ მხარეებს შორის იყო მოქცეული. მისი „სამყაროს მშენებლობა”, როგორც ამას თავად უწოდებს, შედგებოდა ლამაზი და განსხვავებული სურათებისგან, რომლებიც აერთიანებდა ჰიპ-ჰოპის ესთეტიკასა და კენედის ოჯახს, ელვის პრესლისა და ჯონ უეინს, ძველი ჰოლივუდის გლამურსა და ბაიკერების ჯგუფს.
მას შემდეგ ლანა დელ რეი მუსიკის საზღვრებს არღვევს და ერთდროულად აღწევს კრიტიკოსების აღიარებასა და კომერციულ წარმატებას.
