ჯეკ უაიტი ცნობილი სკეტჩ შოუს, Saturday Night Live-ის მუსიკალური სტუმრის ამპლუაში წარდგა. ეს მეხუთე შემთხვევა იყო, როცა მომღერალმა SNL-ში მიიღო მონაწილეობა.
შოუს მიმდინარეობისას უაიტმა 2022 წლის სოლო ალბომებიდან, სახელწოდებით Fear of the Dawn და Entering Heaven Alive, რამდენიმე კომპოზიცია შეასრულა. SNL-ის ამ ეპიზოდს მსახიობი ვუდი ჰარელსონი უძღვეოდა. უაიტის მსგავსად, ეს ეპიზოდი ჰარელსონისთვისაც შოუში მეხუთე გამოჩენა იყო.
სცენაზე პირველი პერფორმანსისას, უაიტმა სიმღერები – Taking Me Back და Fear of the Dawn შეასრულა. ეს ნამუშევრები მუსიკოსის 2022 წლის ალბომის, Fear of the Dawn-ის გამხსნელი კომპოზიციებია. სცენაზე მეორედ გამოჩენისას კი არტისტმა A Tip From You to Me იმღერა.
ამ დრომდე ჯეკ უაიტი Saturday Night Live-ის ეთერში 2002, 2012, 2018 და 2020 წლებში იყო მიწვეული. მან სკეტჩ შოუში მონაწილეობა ბოლოს 2020 წელს მიიღო. უაიტმა ქანთრის მომღერალი მორგან უალენი ჩაანაცვლა, რომელმაც COVID-19-თან დაკავშირებული პროტოკოლი დაარღვია.
ნახეთ SNL-ის შოუში ჯეკ უაიტის მუსიკალური შესრულება:
