Victoria’s Secret-ის შოუ ბრუნდება

ბოლო შოუ ბრენდმა 2018 წელს გამართა.

ხუთი წელი გავიდა მას შემდეგ, რაც Victoria’s Secret-ის ბოლო შოუ გაიმართა. ახლახან, საცვლების მწარმოებელმა კომპანიამ განაცხადა, რომ მალე შოუს „ახალ ვერსიას“ წარადგენენ. 

ვაპირებთ მარკეტინგული ინვესტიცია ჩავდოთ ბიზნესში, რომ შოუს ახალ ვერსიას მხარი დავუჭიროთ“ – აღნიშნა VS-ის ფინანსურმა მენეჯერმა, ტიმ ჯონსონმა. USA Today-ის ინფორმაციით, ეს სიახლე ჯონსონმა პირველად კომპანიის შემოსავლების განხილვაზე გააჟღერა. 

შემდგომ გავრცელებულ ოფიციალურ განცხადებაში Victoria’s Secret-მა აღნიშნა – „ჩვენ ყოველთვის ინოვაციურ იდეებს ვანვითარებთ, მომხმარებლებს ამ პროცესების ცენტრში ვაყენებთ და კიდევ უფრო ვზრდით ჩვენს ვალდებულებას, რომ ქალთა ხმები და მათი პერსპექტივები გავაძლიეროთ“. 

წლების განმავლობაში Victoria’s Secret-ის შოუს შემადგენლობაში არაერთი ცნობილი ვარსკვლავი მონაწილეობდა. The Weeknd, არიანა გრანდე, Halsey, ტეილორ სვიფტი, Miguel, სელენა გომესი, ელი გოლდინგი, ბრუნო მარსი, შონ მენდესი  – ეს არტისტები იმ პოპ ვარსკვლავებს შორის არიან, რომლებიც სხვადასხვა დროს, შოუს მსვლელობისას სცენაზე წარდგნენ და მუსიკალური ნომრები შეასრულეს. 

მიუხედავად ამისა, Victoria’s Secret-მა მოდელების ინკლუზიურობის სიმწირის გამო დიდი კრიტიკა არაერთხელ დაიმსახურა. ბრენდს აკრიტიკებდნენ კამპანიების გამო, რომლებიც  ქალების სექსუალურ კონტექსტში წარმოჩენას, ობიექტივიზაციას და სილამაზის არარეალური სტანდარტების დამკვიდრებას იწვევდა.  VS-ის მშობელმა კომპანიამ, L Brands-მა 2019 წელს შოუ გააუქმა და მარკეტინგის განვითარებაზე მუშაობა დააანონსა.  

2018 წელს ბრენდის მარკეტინგის მაშინდელმა მენეჯერმა ედ რაზეკმა საზოგადოების აღშფოთება გამოიწვია, როდესაც Vogue-თან ინტერვიუს დროს განაცხადა, რომ ტრანსგენდერი ქალები შოუს შემადგენლობაში არ იქნებოდნენ. „ეს შოუ არის ფანტაზია“ – თქვა რაზეკმა.

2022 წელს სტრიმინგ სერვის Hulu-ზე სამნაწილიანი დოკუმენტური ფილმი, სახელწოდებით Victoria’s Secret: Angels and Demons  გამოვიდა. დოკუმენტური ნამუშევარი კომპანიის აღმავლობისა და დაცემის პერიოდს განიხილავს.

Share
Tweet
Share
Share
Share

წინა სტატია

ლიონელ რიჩის 2023 წლის ტურნეში Earth, Wind & Fire შეუერთდება

შემდეგი სტატია

„დისნეილენდმა“ მუსიკალური პროგრამიდან ოსკარის მფლობელი სიმღერა ამოიღო

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი