ლიონელ რიჩი ამ ზაფხულს ტურნეში მიდის. ოთხი გრემის მფლობელმა ვარსკვლავმა 2023 წლის ამერიკული ტურნეს თარიღები დააანონსა და გაამხილა, რომ სპეციალური სტუმრის სტატუსით მას Earth, Wind & Fire შეუერთდება.
„მეგობრებო, მოვიდა დრო, რომ ტურნე დავაანონსო. ეს არ არის ჩვეულებრივი რიგითი ტურნე, არამედ ტურნე, რომელსაც წლებია ვგეგმავ. ახლა კი ეს ნამდვილად ხდება. ლიონელ რიჩი და Earth, Wind & Fire ერთად ერთ სცენაზე. ყველას გეპატიჟებით. ეს ის ადგილია, სადაც უნდა იყოთ,” – ამბობს ლიონელ რიჩი გავრცელებულ ვიდეოში.
ტურნე, სახელწოდებით Sing a Song All Night Long, 4 აგვისტოს დაიწყება და 15 სექტემბერს დასრულდება. კონცერტები ჩრდილოეთ ამერიკის 20 ქალაქში ჩატარდება.
ნახეთ ლიონელ რიჩის ვიდეო
