ლედი გაგა 2023 წლის ოსკარზე არ იმღერებს

მომღერალი ახალი ფილმითაა დაკავებული.
ლედი გაგა 2019 წლის ოსკარის დაჯილდოებაზე
Richard Shotwell/Invision/AP/REX/Shutterstock

ლედი გაგა 2023 წლის ოსკარზე არ იმღერებს. შოუს აღმასრულებელმა პროდიუსერმა განაცხადა, რომ მომღერალი ამჟამად ფილმის გადაღებებითაა დაკავებული და ღონისძიებაზე გამოსვლას ვერ შეძლებს. ლედი გაგა წარდგენილია ნომინაციაში საუკეთესო სიმღერა კინოფილმისთვის Top Gun: Maverick.

„ჩვენ ხუთივე ნომინანტი დავპატიჟეთ. Ძალიან კარგი ურთიერთობა გვაქვს ლედი გაგასთან. ის ახლა ფილმის გადაღების პროცესშია. ჩვენ კი აქ სწორედ კინოინდუსტრიას მივაგებთ პატივს და ვიცით, თუ რა სჭირდება ფილმის შექმნას. ამ პროცესის გამო, ის ვერ ახერხებდა იმ ხარისხის წარმოდგენის გამართვას, რომელსაც მისგან მიჩვეულები ვართ. ამიტომ ლედი გაგა შოუზე არ წარდგება.”

ლედი გაგა ტოდ ფილიპსის ფილმში Joker: Folie à Deux მონაწილეობს, სადაც იგი ჰარლი ქუინის როლს ასრულებს. მისი პარტნიორია ხოაკინ ფენიქსი, რომელმაც სწორედ ჯოკერის როლის შესრულებისთვის მიიღო ოსკარი საუკეთესო მსახიობი კაცის ნომინაციაში. ფილმის მეორე ნაწილის გამოშვება 2024 წლის 9 ოქტომბერს იგეგმება – პირველი ნაწილის პრემიერიდან 5 წელიწადში.

გაგამ ოსკარის ცერემონიაზე სამჯერ იმღერა. 2015 წელს „მუსიკის ჰანგების” 50 წლის იუბილეს აღსანიშნავად მან ფილმიდან რამდენიმე კომპოზიცია შეასრულა. 2016 წელს ოსკარზე ნომინირებული Til It Happens to You იმღერა კინოფილმიდან The Hunting Ground. 2019 წელს კი ბრედლი კუპერთან ერთად შეასრულა სიმღერა Shallow კინოფილმიდან A Star Is Born, რომელმაც მომღერალს ოსკარი მოუტანა. 

ორი კვირის წინა აკადემიამ დააანონსა, რომ ოსკარის ცერემონიაზე რიანა წარდგება სიმღერით Lift Me Up კინოფილმიდან Black Panther: Wakanda Forever. ასევე ცნობილი გახდა, რომ ღონისძიებაზე იმღერებენ სოფია კარსონი და დაიან უორენი. ისინი შეასრულებენ სიმღერას Applause კინოფილმიდან Tell It like a Woman.

ოსკარზე ნომინირებული Hold My Hand, რომელიც ლედი გაგამ და BloodPop-მა დაწერეს, ივნისში ბილბორდის „ცხელი ასეულის” 49-ე ადგილზე მოხვდა. 

ოსკარის 95-ე  დაჯილდოება, რომელსაც ჯიმი კიმელი გაუძღვება, კვირას, 12 მარტს შედგება და პირდაპირი ეთერით მთელი მსოფლიოს მასშტაბით გადაიცემა. 

Share
Tweet
Share
Share
Share

წინა სტატია

მუსიკალურ შოუ Voice-ში ჯიმი ფელონმა ბრმა მოსმენაში მიიღო მონაწილეობა, სადაც ერთი მწვრთნელი მას არ შემოუტრიალდა

შემდეგი სტატია

ჯენეტ ჯექსონის შესახებ ახალი დოკუმენტური ფილმი გამოვა

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი