2023 წლის ოსკარის დაჯილდოების მონოლოგში ჯიმი კიმელმა საგანგებოდ აღნიშნა, რომ ცერემონიას რიანა ესწრებოდა. ფილმში – Black Panther: Wakanda Forever შესრულებული ბალადისათვის, სახელწოდებით Lift Me Up, მომღერალი ამერიკის კინოაკადემიამ ოსკარზე წარადგინა. რიანასთვის ეს ოსკარის პირველი ნომინაციაა. დაჯილდოების ცერემონიის მიმდინარეობისას ვარსკვლავი სცენაზე წარდგა და სიმღერა ცოცხლად შეასრულა. მომღერალი სცენაზე Black Panther: Wakanda Forever-ის მსახიობმა, დანაი გურირამ მოიწვია.
Lift Me Up ის კომპოზიციაა, რომლითაც რიანა მუსიკალურ სცენას ხანგრძლივი პაუზის შემდეგ დაუბრუნდა. გამოსვლიდან მალევე, სიმღერამ Billboard Hot 100-ის ჩარტებში მეორე ადგილი დაიკავა.
რიანას შესრულებას აუდიტორიის დიდი ოვაციები მოჰყვა. კადრში აჩვენეს მომღერლის პარტნიორი რეპერი A$AP Rocky, რომელიც ამ მომენტს დასამახსოვრებელი რეაქციით შეხვდა.
