ლედი გაგა 2023 წლის ოსკარზე საბოლოოდ მაინც იმღერებს

სამი წლის შემდეგ პირველად, დაჯილდოების ცერემონიაზე საუკეთესო სიმღერაზე წარდგენილი ხუთივე ნომინანტი წარდგება.
ლედი გაგა 2019 წლის ოსკარის დაჯილდოების ცერემონიაზე
Andrew H. Walker/BEI/Shutterstock

ლედი გაგა 2023 წლის ოსკარზე საბოლოოდ მაინც იმღერებს. ეს სიურპრიზი გამოცემა Variety-მ გაამხილა. Მანამდე ცნობილი იყო, რომ გაგა ოსკარზე გამოსვლას ვერ შეძლებდა. შოუს აღმასრულებელმა პროდიუსერმა ამის შესახებ განცხადება 8 მარტს გააკეთა.

„ჩვენ ხუთივე ნომინანტი დავპატიჟეთ. Ძალიან კარგი ურთიერთობა გვაქვს ლედი გაგასთან. ის ახლა ფილმის გადაღების პროცესშია. ჩვენ კი აქ სწორედ კინოინდუსტრიას მივაგებთ პატივს და ვიცით, თუ რა სჭირდება ფილმის შექმნას. ამ პროცესის გამო, ის ვერ ახერხებდა იმ ხარისხის წარმოდგენის გამართვას, რომელსაც მისგან მიჩვეულები ვართ. ამიტომ ლედი გაგა შოუზე არ წარდგება.”

ახლა კი, რაც ლედი გაგას შოუზე გამოსვლა საბოლოოდ დადასტურდა, ეს იქნება პირველი შემთხვევა სამი წლის შემდეგ, როცა დაჯილდოების ცერემონიაზე საუკეთესო სიმღერის ნომინაციაში წარდგენილი ხუთივე ნომინანტი წარდგება. ესენი არიან: რიანა სიმღერით Lift Me Up კინოფილმისთვის Black Panther: Wakanda Forever, სოფია კარსონი და დაიან უორენი სიმღერით Applause კინოფილმისთვის Tell It Like a Woman, სტეფანი სუ, დევიდ ბირნი და Son Lux სიმღერით This Is a Life კინოფილმისთვის Everything Everywhere All at Once, რაულ სიპლიგუნჯი და კაალა ბაირავა სიმღერით Naatu Naatu კინოფილმიდან RRR და ახლა უკვე ლედი გაგა სიმღერით Hold My Hand კინოფილმიდან Top Gun: Maverick.

ოსკარის რიგით 95-ე დაჯილდოება სულ რამდენიმე საათში დაიწყება. შოუს ჯიმი კიმელი გაუძღვება. 

Share
Tweet
Share
Share
Share

წინა სტატია

ნახეთ: უილ სმითი 10 წლის ბასისტთან ერთად რეპავს

შემდეგი სტატია

2023 წლის ოსკარის ცერემონიაზე რიანამ Lift Me Up ცოცხლად შეასრულა

შეიძლება დაგაინტერესოთ

ფილმ Emilia Perez-ის მსახიობები სელენა გომესი, ზოე სალდანია, კარლა სოფია გასტონი და ადრიანა პასი კანის 77-ე ყოველწლიურ კინოფესტივალზე. ფოტო: ანდრეას რენცი

2024 წლის კანის საერთაშორისო კინოფესტივალზე ფილმ Emilia Pérez-ის ქალ მსახიობთა გუნდს საუკეთესო მსახიობი ქალის ჯილდო გადაეცა

ფილმ Emilia Pérez-ის მსახიობების გუნდის სახელით ჯილდო კარლა სოფია გასკონს გადაეცა, იგი პირველი ტრანსგენდერი ქალია, რომელმაც კანის კინოფესტივალზე ჯილდო მიიღო
მეტი