ნიკა კოჩაროვმა და გოგი ძოძუაშვილმა ორი საერთო კომპოზიცია გამოსცეს. Friend და 99.99% Happy მუსიკოსების ერთობლივი ნამუშევრებია.
ნიკა კოჩაროვი:
„ძალიან ბევრი წელია ვცდილობთ, რომ ერთად გავაკეთოთ რაღაც. პირველი ჩვენი თანამშრომლობა 2008 წელს შედგა და სხვათა შორის, აი, ეს სიმღერა Friend, რომელიც ახლა გამოვეცით, ზუსტად მაგ დროს დავიწყეთ. მერე ისე მოხდა, რომ აღარ დავამთავრეთ და მივატოვეთ. ახლა კი ზაფხულში ისევ შევხვდით ერთმანეთს და გადავწყვიტეთ, რომ თავიდან დაგვეწყო. Ჩავწერეთ ტექსტი, გადავაკეთეთ არანჟირება და ახლებურად გავაკეთეთ. Friend ჩემი სიმღერაა და მე და გოგიმ ერთობლივად განვავითარეთ, ხოლო მეორე – 99.99% Happy გოგის სიმღერაა და ისიც ასევე ერთად განვავითარეთ.
99.99% Happy გოგის მეუღლის, მარიკა ასათიანის ტექსტია და ეს არის თამაში ციფრებსა და პროცენტებზე. სიტყვების თამაშია და ძალიან საინტერესოა. Friend-ს რაც შეეხება, მისი ტექსტი მე და გოგიმ ერთად გავაკეთეთ. აქ უფრო სულიერი ძიების პროცესია აღწერილი. მეგობარს უმღერი შენი ტკივილებისა და თავგადასავლების შესახებ.
საინტერესო ისაა, რომ ორივე სიმღერას ვმღერით უნისონში, ანუ მე და გოგი ერთად ვმღერით ერთ ხმას და გოგიმ აღნიშნა, რომ საბოლოოდ, თითქოს, მესამე ხმა გამოდის. Რომ უსმენ, ვერ ხვდები, ვინ არის, რომელი მღერის. თითქოს, საერთოდ მესამე ტიპია.
ამ ეტაპზე ეს ორი სიმღერა ჩავწერეთ და ჯერჯერობით სხვა გეგმები არ გვაქვს. გოგი არ ცხოვრობს საქართველოში და ვნახოთ. Რომ ჩამოვა, შეიძლება გავაგრძელოთ კიდეც.”
მოუსმინეთ ნიკა კოჩაროვისა და გოგი ძოძუაშვილის ერთობლივ ნამუშევრებს.
