ავსტრალიელი სენატორი დევიდ პოკოკი ქვეყნის პარლამენტის შენობაში ჩაწერილი ინტერვიუს დროს, Tame Impala-ს ბრენდირებული მაისურით გამოჩნდა.
პოკოკი ავსტრალიის ეროვნულ მორაგბეთა გუნდის ყოფილი კაპიტანია. როდესაც მისი ინტერვიუს ჩანაწერი გავრცელდა, პოკოკმა მემარჯვენეებისაგან კრიტიკა დაიმსახურა. კრიტიკის მიზეზი სწორედ პოლიტიკოსებისათვის განკუთვნილი ე.წ. დრეს-კოდის დარღვევა იყო.
„[სამსახურში] პირდაპირ ტენისის თამაშიდან მოვედი. ეს თამაში ჩვენი ქვეყნის ტენისის ასოციაციის 100 წლის იუბილეს ეძღვნებოდა. შემოსასვლელში წინასწარ დაუგეგმავ პატარა ინტერვიუს დავთანხმდი“ – განმარტა დევიდ პოკოკმა მას შემდეგ, რაც მის საჯარო იმიჯთან დაკავშირებით კრიტიკული შეფასებები გაჟღერდა.
What do you think? Play on? 😂
— David Pocock (@DavidPocock) March 22, 2023
I'd come straight from an early morning game of tennis to celebrate 100 years of Tennis ACT and agreed to do a door stop (not a prearranged interview) in the hallway on the way out of the Press Gallery after a morning radio interview.
Great to… pic.twitter.com/GNzXkg1i4c
დევიდ პოკოკი ავსტრალიაში ერთ-ერთი ყველაზე წარმატებული მორაგბე იყო. იგი მსოფლიოს საუკეთესო მოთამაშის ტიტულზე სამჯერ იყო წარდგენილი. მოგვიანებით პოკოკმა გადაწყვიტა სპორტისათვის თავი დაენებებინა და პოლიტიკაში ჩაერთო. 2022 წელს მისი პოლიტიკური კამპანია წარმატებული აღმოჩნდა და ახლა ავსტრალიის ფედერალურ პარლამენტში, ერთ-ერთ ყველაზე გავლენიან პოლიტიკოსად მიიჩნევა.
რაც შეეხება Tame Impala-ს, ბენდმა 10 მარტს სიმღერა სახელწოდებით Wings of Time გამოუშვა. კომპოზიცია ფილმის Dungeons & Dragons: Honor Among Thieves საუნდტრეკია. ასევე მუსიკალურმა კოლექტივმა Gorillaz-თან ერთობლივი სიმღერა New Gold ჩაწერა. სიმღერა შესულია Gorillaz-ის 2023 წლის ალბომში სახელწოდებით Cracker Island.
