2017 წელს შექმნილი ალტერნატიული როკ ჯგუფი On the Road გულწრფელი ინდივიდუალური მუსიკალური ჟღერადობით და სახასიათო, მელოდიური და ლირიკული სიმღერებით გამოირჩევა. ჯგუფის შემადგენლობაში ლადო გიგაია (ვოკალი/გიტარა), ავთანდილ ირემაშვილი (ვოკალი/გიტარა), გიგი კობერიძე (დრამი), თორნიკე ჯაფიაშვილი (კლავიში) და ბექა ჩხარტიშვილი (ბასი) არიან. On the Road-მა ცოტა ხნის წინ ორი ახალი სიმღერა გამოუშვა, წლის ბოლომდე კი ალბომის გამოცემასაც გეგმავენ.
ლადო გიგაია
„ჩვენ ვართ ჯგუფი On The Road. ამჟამინდელი შემადგენლობით 2017 წელს ჩამოვყალიბდით. გამოშვებული გვაქვს ერთი Ep, რომელშიც ექვსი სიმღერა შედის. გარდა ამისა, გვაქვს ორი სინგლი და ახლახან გამოვუშვით ორი ახალი სიმღერა, რომელთაგან ერთი-ერთი ლირიკ ვიდეოა და ერთი ანიმაციური კლიპი. სიმღერებს ძირითადად მე და ავთო ვწერთ, ხოლო არანჟირებაზე ერთად მუშაობთ.
ამჟამად ერთ ვიდეო კლიპს ვამზადებთ, რომელიც უკვე მონტაჟდება და დაახლოებით გაზაფხულის ბოლომდე გამოვა.“
ავთანდილ ირემაშვილი
„ახალი ალბომიც მზადების პროცესშია, სადაც წინა გამოშვებულ EP-ში შესული ექვსივე სიმღერაც შევა, რომელსაც დაემატება დაახლოებით ოთხი ახალი სიმღერა, ამ ალბომის გამოშვებაც წელს იგეგმება.“
ბექა ჩხარტიშვილი
„ვისთანაც ვითანამშრომლეთ ანიმაციურ ვიდეოზე SHAITAN BAZAR-ის მიერ გაკეთებული ანიმაციური ვიდეოა, ამ ადამიანის შემოქმედება ძალიან მოგვწონს და მაქსიმალურად ვეცდებით, რომ მასთან კვლავ ვითანამშრომლოთ. განსხვავებული ხედვის მქონდე ადამიანია და ვფიქრობ, ჩვენს მუსიკას მისი შემოქმედება ძალიან უხდება.“
ლადო გიგაია
„რაც შეეხება ფესტივალებს წელს Open Air-ზე ე.წ. „ზინგერ სთეიჯზე“, ვუკრავთ. ასევე აქტიურად ვთანამშრომლობთ Duo Records-სტუდიასთან, სადაც ჩვენი სიმღერები იწერება. ამ ახალ ალბომში დაახლოებით 10-11 სიმღერა შევა. აქედან ცხრა სიმღერა უკვე ჩაწერილია. ახალი კლიპი კი, წინასგან განსხვავებით არ იქნება ანიმაციური და იმედია გვაქვს მალე იხილავთ“.
