ალექსანდრე ხარანაულის ალბომის „დილით ამომავალო მზეო” პრეზენტაცია

„ხალხური პოეზია უზარმაზარი სივრცეა მუსიკოსებისთვის და მგონია, რომ ამას ყურადღება უნდა მივაქციოთ.“
ალექსანდრე ხარანაული
ალექსანდრე ხარანაული

25 მარტს ალექსანდრე ხარანაულის ალბომის „დილით ამომავალო მზეო” პრეზენტაცია გაიმართა.  არტისტი,  ქართველი აუდიტორიის წინაშე, სულ ცოტა ხნის წინ, ამავე სახელწოდების სადებიუტო სიმღერით წარდგა. 25 მარტს კი ალბომის პრეზენტაციაზე „ამო რამეში“ ალექსანდრემ ალბომში შესული სიმღერები შეასრულა.

ლექსანდრე ხარანაული

ალექსანდრე ხარანაული

„როცა საფრანგეთში ალბომის ჩასაწერად წავედი, ჩვიდმეტი მზა სიმღერა წავიღე, თუმცა ერთი თვის განმავლობაში, მხოლოდ ათი სიმღერის ჩაწერა მოვახერხეთ. ამაში ჩემი მეგობარი ფადი სალიბა მეხმარებოდა, რომელსაც საფრანგეთში სტუდია აქვს. ივნისში კვლავ ვაპირებ წასვლას, რომ ის დარჩენილი შვიდი სიმღერაც ჩავწეროთ“.

„სიმღერები დიდი ხნის წინ მქონდა უკვე მზად, თუმცა რასაც „პროდუსინგი“ ჰქვია ყველაფერი საფრანგეთში გაკეთდა. ამ ათ სიმღერაში სამი საავტორო სიმღერაა შესული. ყველა კომპოზიციის მუსიკა ჩემია და ყველა ინსტრუმენტზე, დრამის გარდა, თავად ვუკრავ.  ვუსმენდი ყველაფერს, რაც ხალხურ ანთროპოლოგიურ ძველ ჩანაწერებს ეხებოდა, დავდიოდი კონსერვატორიაში ფონოთეკებში და ისეთ სიმღერებს ვეძებდი, რომელიც არ იქნებოდა პოლიფონიური და  ერთი ადამიანი ასრულებს. ზოგადად ამ სიმღერების მუსიკა ყველა  საავტოროა, რაც შეეხება ტექსტს, რომელიც ჩემი დაწერილია ასეთი სიმღერებია „თაგვი“,არ მეძინება“ და „ცხელა ძალიან ცხელა“.

ალექსანდრე ხარანაულის ალბომის პრეზენტაცია „დილით ამომავალო მზეო“

ალექსანდრე ხარანაულის ალბომი „დილით ამომავალო მზეო“ ათ სიმღერას მოიცავს და სულ მალე მსმენელს მისი მოსმენა spotify-ზე შეეძლება.

„ამ ალბომში „დუდა“ ჩემი საყვარელი სიმღერაა, სასწაული  სვანური ხალხური ლექსი აქვს,  რომელიც დათო წერედიანმა თარგმნა. 

რაღაცნაირად მგონია, რომ  ქართული ხალხური სიმღერები, რაც ვიცით, გვიყვარს და გვაქვს და არის უნიკალური, ამის გარდა არსებობს კიდევ რაღაც, რაც არ ვიცით. მისი ტექსტები ჯერ კიდევ აღმოსაჩენია. ხალხური პოეზია უზარმაზარი სივრცეა მუსიკოსებისთვის და მგონია, რომ ამას ყურადღება უნდა მივაქციოთ“.

ალექსანდრე ხარანაული

ალბომის პრეზენტაციაზე ალექსანდრე ხარანაულმა აუდიტორიის წინაშე ორი ახალი სიმღერა პირველად შეასრულა, ეს არის ახალი ინტერპრეტირებული ვერსია, ცნობილი სვანური ხალხური სიმღერის „რიჰო“ და საავტორო სიმღერა –  „ცხელა ძალიან ცხელა“.

„ეს ალბომი შეიძლება ითქვას ერთ თვის ნამუშევარია, რომელიც აკუსტიკურ ვერსიად გამოვიდა. მე არც იმდენი ცოდნა მქონდა, არც გამბედაობა. დასაწყისში ჩანაფიქრი სხვა იყო, რაღაც უნდა ყოფილიყო აკუსტიკური, რაღაც არა, მაგრამ ჩასვლისთანავე მივხვდი, რომ  ალბომი ჩემი შესაძლებლობებიდან გამომდინარე აკუსტიკურ ვერსიად უნდა გამეკეთებინა“.

Share
Tweet
Share
Share
Share

წინა სტატია

ენდრიუ ლოიდ უებერის ვაჟი ნიკოლასი გარდაიცვალა

შემდეგი სტატია

On the Road

ჯგუფ On the Road-ის მუსიკალური გზა

შეიძლება დაგაინტერესოთ

Starring Georgia-ს ფარგლებში Massive Attack-ის კონცერტი გაიმართება

პირველად საქართველოში მსმენელს შესაძლებლობა ექნება, მოუსმინოს ჯგუფის ისეთი კომპოზიციების განახლებულ ვერსიებს, როგორიც არის Teardrop, Unfinished Sympathy და Paradise Circus.
მეტი
არიელ დევისის ილუსტრაცია

„ხელოვნური ინტელექტი და მუსიკალური ინდუსტრია. მუზების შერკინება”

ავტორი: Სერგი გვარჯალაძე  Ჩვენ ვცხოვრობთ ეპოქაში, სადაც ტექნოლოგიები  ცხოვრების ყველა ასპექტზე მოახდენს გავლენას. მუსიკალური ინდუსტრია კი ერთ-ერთი სფეროა,…
მეტი

Billboard-ის მუსიკალურ ჩარტში პირველი ადგილის დაკავების შემდეგ, ჰოზიერი მსმენელებს მადლობას უხდის

სიმღერის Too Sweet პირველ ადგილზე მოხვედრა მუსიკოსისთვის სიმღერების ჩარტში პირველი ლიდერი პოზიციაა.
მეტი