ქართულმა როკ ჯგუფმა Parasite-მა ახალი მუსიკალური ვიდეო წარადგინა

ცოცხალი შესრულების ამსახველი ვიდეო გადაღებულია კომპოზიციაზე სახელწოდებით Pollychronion, რომლის შექმნის პროცესში, ბენდმა გრემის ნომინანტ მასტერინგის ინჟინერთან – რობინ შმიდტთან ითანამშრომლა.

ქართულმა როკ ჯგუფმა, სახელწოდებით Parasite ახალი მუსიკალური ვიდეო წარადგინა,რომელიც გადაღებულია კომპოზიციაზე Pollychronion.

Parasite 2021 წელს შეიქმნა. ბენდი სამი წევრისაგან შედგება: ბექა მინაძე – გიტარა, ვოკალი; სანდრო კიკნაძე – ბასი; ლუკა ბოკუჩავა – დრამი, პერკუსია. ჯგუფი სხვადასხვა ჟანრობრივ ელემენტებს აერთიანებს – მოიცავს პროგრესივ როკს, ალტერნატიურ როკს და ელექტრონული მუსიკის დეტალებს. 

გამოქვეყნებული ვიდეო  კომპოზიციის ცოცხალ შესრულებას ასახავს და ვარშავაში, Nebula Studio-შია ჩაწერილი  გადაღებული. 

ბექა მინაძე:

გამომდინარე იქიდან, რომ ბენდის სამივე წევრი ცოცხალი შესრულების პროცესში საკუთარ თავს ყველაზე უკეთ გამოვხატავთ, გადავწყვიტეთ, რომ  ამ ჩანაწერის პირველი ვერსიაც ცოცხალი სესია ყოფილიყო. უამრავი ტექნიკური დეტალის გამო, სიმღერის სტუდიაში ცოცხლად  ჩაწერა  თავისებურად გამოწვევაც არის,  მაგრამ ეს პროცესი ყოველ ჯერზე მაინც მიმზიდველი და საინტერესოა.“

Parasite-ის კომპოზიციების პროდაქშენსა და მიქსინგზე  ყოველთვის თავად ბენდის წევრები მუშაობენ, თუმცა Pollychronion-ის შემთხვევაში  მიქსინგზე ილია ლუკაშევმა, ხოლო  და მასტერინგზე გრემის ნომინანტმა ცნობილმა გერმანელმა პროფესიონალმა – რობინ შმიდტმა იმუშავა.  


კომპოზიცია  Pollychronion სამი წლის წინ დაიწერა. ტრეკის გამხსნელი სემპლი აღებულია 90-იანი წლების ცნობილი ქართული პანკ ბენდის, Outsider-ის სიმღერიდან, სახელწოდებით Mosapsamad.

მიუხედავად იმისა, რომ ეს სიმღერა სამი წლის წინ დაიწერა, ვფიქრობთ, ახლა უფრო რელევანტური და აქტუალურია თემატიკა, რასაც მისი შინაარსი ეხება. “პოლიქრონიონ” არის ტერმინი ფილმ „დათა თუთაშხიას“ ერთ-ერთი სცენიდან, რომელშიც საზოგადოება თავის “მამა მარჩენალს” ამ სიტყვით ადიდებს და უმღერის. Outsider-ის სიმღერიდან სემპლის აღებაც შემთხვევითი გადაწყვეტილება ნამდვილად არ არის. Mosapsamad-ის მოსმენამ, თავდაპირველადვე ჩემში დიდი ინსპირაცია გამოიწვია. ვფიქრობ, Outsider-ის ამ სიმღერის დასაწყისის შამანური ვიბრაცია და ჰარმონია კარგად ერწყმის  ჩვენს მუსიკას.“ – ბექა მინაძე. 

Parasite-ის წევრები  ამჟამად პოლონეთში მოღვაწეობენ. ჯგუფს კრაკოვსა და ვარშავაში რამდენიმე კონცერტი აქვს დაგეგმილი. 

კონცერტების შემდეგ EP-ზე მუშაობას ვფიქრობთ, რომელსაც სხვადასხვა ევროპულ სცენაზე დავუკრავთ. ჯგუფი ჯერჯერობით დამოუკიდებლად, ლეიბლის გარეშე მოღვაწეობს“ – ბექა მინაძე.

Share
Tweet
Share
Share
Share

წინა სტატია

Dear Mama-ს ახალ ტრეილერში თუფაქ შაკური დედასთან, აფენი შაკურთან ურთიერთობაზე საუბრობს

შემდეგი სტატია

ენდრიუ ლოიდ უებერის ვაჟი ნიკოლასი გარდაიცვალა

შეიძლება დაგაინტერესოთ

Irakli Gabriel-ის ახალი სიმღერა City in Chains

„არ ვიცი, მაგარ ქვეყანას მე და შენ მოვესწრებით თუ არა, მაგრამ მთელი გულით ვგრძნობ - აზრი და მუღამი მხოლოდ გზაშია, ყოველთვის პროცესშია...“ - Irakli Gabriel
მეტი

ბაჩა მძინარაშვილი – ბერკლის კოლეჯის პირველი ქართველი სტუდენტი საკუთარ შემოქმედებასა და ქართულ-ამერიკულ კარიერაზე

„მსმენელისგან გამიგონია, რომ ჩემს კომპოზიციებში ქართული ჰარმონია ან მელოდიაც ესმით. ჩემი სამომავლო გეგმაა, რომ ქართული ფოლკლორი კარგად შევისწავლო.”
მეტი
ფილ კოლინზი 1985 წლის 1 ივლისი, ნიუ-იორკი. ფოტო: ლარი ბუსაკა/Getty Images

როგორ იქცა 80-იანი წლების გამორჩეული არტისტი ფილ კოლინზი ყველა დროის დაუფასებელ პოპ-ვარსკვლავად

ბილბორდის პოდკასტ Greatest Pop Stars-ში Genesis-ის დრამერის, მომღერლისა და წარმატებული სოლო არტისტის, ფილ კოლინზის შესახებ საუბრობენ.
მეტი

მადონას თქმით, ფანებისათვის მისი „ვალენტინობის დღის საჩუქარი“ ახალი მუსიკალური ნამუშევარია, რომელიც მალე გამოვა

მადონამ კიდევ ერთხელ მიანიშნა, რომ ახალი პროექტის სახელწოდებაა Confessions Part 2 – ეს არის გაგრძელება მისი 2005 წლის ალბომისა Confessions on a Dance Floor.
მეტი