ნიკოლას ლოიდ უებერი, გრემიზე ნომინირებული კომპოზიტორი და ენდრიუ ლოიდ უებერის უფროსი ვაჟი, 43 წლის ასაკში სიმსივნესთან ბრძოლის შედეგად გარდაიცვალა.
„მთელი ოჯახი შევიკრიბეთ. ყველანი შეძრული ვართ,” – ამბობს განცხადებაში 75 წლის ენდრიუ უებერი. „ყველას დიდი მადლობა ამ რთულ დროს თანადგომისთვის.”
ნიკოლას ლოიდ უებერი ინგლისში, საავადმყოფოში გარდაიცვალა. იმისთვის, რომ ვაჟის გვერდით ყოფილიყო, რამდენიმე დღით ადრე ენდრიუ უებერი მისი მიუზიკლის Bad Cinderella-ს ბროდვეის პრემიერას არ დაესწრო.
ნიკოლას უებერი ცნობილია მისი ნამუშევრებით BBC-ის სერიალისთვის Love, Lies and Records, რომელიც დაფუძნებულია წიგნზე „პატარა უფლისწული”. მან ასევე იმუშავა უფროსი უებერის 2021 წლის მიუზიკლზე Cinderella, რომელმაც ნიკოლასს საუკეთესო თეატრალური ალბომისთვის გრემის ნომინაცია მოუტანა.
ნიკოლასი და მისი უფროსი და ენდრიუ უებერს პირველი მეუღლისგან ჰყავს. კომპოზიტორს კიდევ ოთხი შვილი ჰყავს.
