პირველ აპრილს ქართველი მსმენელის წინაშე ფრანგი არტისტები Breakbot და Irfane წარდგებიან.
Breakbot თანამედროვე ელექტრონული და დისკო მუსიკის ერთ-ერთი მნიშვნელოვანი წარმომადგენელია. მუსიკოსი ყველაზე მეტად ცნობილია მისი 2010 წლის სიმღერით Baby I’m Yours, რომელსაც Irfane-სთან ერთად ასრულებს. კომპოზიცია ცნობილია იმითაც, რომ სწორედ მისი თემის მიხედვით შეიქმნა ბრუნო მარსის ჰიტი Treasure, რომლის კრედიტებშიც Breakbot და Irfane არიან მითითებული.
ამის შემდეგ Breakbot და Irfane ერთგვარ დუეტად იქცა. 2016 წელს მათ ალბომი Still Waters გამოუშვეს. 6 წლის შემდეგ, 2022 წელს კი მუსიკოსებმა EP სახელწოდებით Remedy გამოსცეს.
Breakbot-ისა და Irfane-ის დუეტი პირველ აპრილს უკვე ქართველი მსმენელის წინაშე წარდგება. საღამოზე დაუკრავენ ქართველი არტისტებიც – Hatsvali, Toke, Mocongo, Magrra და Ucha.
იხილეთ ინფორმაცია ღონისძიების შესახებ
