კორეული ჯგუფის BLACKPINK-ის წევრი ჯისუ მალე ახალ სოლო სინგლს – Flowers-ს გამოუშვებს. ახლახან, მომღერალმა მსმენელს სიმღერაზე გადაღებული მუსიკალური ვიდეოს თიზერი გაუზიარა.
გავრცელებულ კადრებში მომღერალი სხვადასხვა კოსტიუმში პოზირებს. ოფიციალური ვიდეოს სრული ვერსია 31 მარტს გამოდის. სიმღერა შესულია ჯისუს სადებიუტო სოლო ალბომში, სახელწოდებით – ME.
მიუხედავად ჯისუს სხადასხვა იმიჯის ამსახველი კადრებისა, თიზერში სიმღერა ფრაგმენტულად ჟღერდება. ვიდეოს ბოლოს ვარსკვლავი ერთ სტრიქონს მშობლიურ კორეულ ენაზე მღერის, ამის შემდეგ კი ვიდეო წყდება.
ჯისუ ჯგუფ BLACKPINK-ის მეოთხე წევრია, ვინც საერთო პროექტის პარალელურად სოლო მუსიკალური კარიერა დაიწყო. 2018 წელს სოლო ტრეკი სახელწოდებით SOLO ჯენიმ გამოსცა, 2021 წელს კი როზეს ალბომი R გამოვიდა, რომელმაც რეიტინგების რეკორდები მოხსნა. ასევე 2021 წელს გამოვიდა BLACKPINK-ის კიდევ ერთი წევრის, ლისას ალბომი სახელწოდებით LALISA .
აღსანიშნავია, რომ 2023 წელს BLACKPINK მუსიკალური ფესტივალის, Coachella-ს ერთ-ერთი ჰედლაინერია.
ნახეთ ჯისუს ახალი მუსიკალური ვიდეოს თიზერი:
