კლიპს, რომელიც გადაღებულია ჯორჯ მაიკლის 1984 წლის ჰიტზე – Careless Whisper, ვიდეოების გაზიარების პლატფორმა Youtube-ზე მილიარდი ნახვა აქვს.
მიუხედავად იმისა, რომ ვიდეო YouTube-ის ოფიციალურ არხზე 2009 წელს აიტვირთა, დღემდე პოპულარობით სარგებლობს და ბოლო პერიოდში ყოველდღიურად ასი ათასობით ნახვა ემატებოდა. კლიპში თავად ჯორჯ მაიკლი მონაწილეობს.
ბალადა ჯორჯ მაიკლის სოლო კარიერის ერთგვარ დასაწყისად მიიჩნევა. მუსიკოსის შემოქმედებით კარიერაში Careless Whisper დღემდე ერთ-ერთი ყველაზე ცნობილი და აღიარებული ნამუშევრის სტატუსს ატარებს.
ორი „გრემის“ მფლობელი ჯორჯ მაიკლი 2016 წელს გარდაიცვალა. 2017 წელს მის შესახებ გადაღებული დოკუმენტური ფილმი – Freedom გამოვიდა, რომელიც თავად მუსიკოსის ჩართულობით შეიქმნა. დოკუმენტური ნამუშევარი მაყურებელს ჯორჯ მაიკლის ხანგრძლივ მუსიკალურ კარიერაზე უყვება. ფილმში მომღერალი საკუთარ შემოქმედებაზე საუბრისას იმედს გამოთქვამს, რომ „ხალხს ის დაამახსოვრდებოდა, როგორც გლამურული პოპ სცენის ერთ-ერთი ბოლო ვარსკვლავი“.
Ნახეთ ჯორჯ მაიკლის მუსიკალური ვიდეო, რომელიც გადაღებულია სიმღერაზე – Careless Whisper:
