კეტი პერის შაბათ-კვირა ახლა ცოტა სხვანაირად გამოიყურება. ახლახან მომღერალი კოქტეილის წვეულებას ესწრებოდა, სადაც მან უარი განაცხადა ალკოჰოლური სასმელების მიღებაზე და გაამხილა, რომ მის პარტნიორ ორლანდო ბლუმთან დადებულ 3-თვიან სიფხიზლის პირობას იცავს. „უკვე ხუთი კვირაა ფხიზლად ვარ” – აღნიშნა პერიმ წვეულებაზე. „Შეთანხმება მაქვს ჩემს პარტნიორთან.” და როცა American Idol-ის ჟიურის წევრმა ლუკ ბრაიანმა, რომელიც წვეულებას ლიონელ რიჩისთან ერთად ესწრებოდა, პერის ჰკითხა, თუ აპირებდა პირობის დარღვევას, მომღერალმა უპასუხა: „არა! ვერ დამიყოლიებთ. პირობა მაქვს მიცემული. სამი თვე!”
საბედნიეროდ, ბარში მრავლად იყო კეტი პერის მიერ დაფუძნებული არაალკოჰოლური სასმლის ხაზი De Soi. „ახლა ნამდვილად ვეღარ ვსვამ ისე, როგორც ჩემს 20-იან წლებში,” – ამბობდა მომღერალი კომპანიის პრეზენტაციისას. „Სამუშაო დღეს ერთი ჭიქა ალკოჰოლური სასმელიც კი შემდეგი რამდენიმე დღის განმავლობაში მწყვეტს რეალობას. ასე რომ, მინდა, კვირის დღეებში თავის კონტროლი შევძლო და მერე შაბათ-კვირას გავატარო დრო მეგობრებთან ერთად, როცა არ ვმუშაობ. ეს ბალანსის თემაა.”
კეტი პერისა და ორლანდო ბლუმს 2 წლის ქალიშვილი ჰყავთ.
