შაკირა შვილებთან ერთად ცხოვრების ახალ ეტაპს ესპანეთიდან შორს იწყებს. განცხადებაში, რომელიც სოციალურ ქსელში გაავრცელა, მომღერალი ამბობს, რომ შვილებთან ერთად მსოფლიოს სხვა წერტილში მიდის, სადაც ოჯახთან და მეგობრებთან ახლოს იქნება.
„ყველას დიდი მადლობა, ვინც ჩემ გვერდით იყავით, მამხიარულებდით, ცრემლებს მიმშრალებდით, შთაგონებასა და გაზრდის საშუალებას მაძლევდით” – წერს მომღერალი.
შაკირასა და ჟერარდ პიკეს ორი ვაჟი – 9 წლის მილანი და 7 წლის საშა ჰყავთ. წყვილი ერთმანეთს 10-წლიანი თანაცხოვრების შემდეგ გასულ წელს დაშორდა.
შაკირა ესპანურენოვან პოსტში წერს: „ბარსელონაში იმიტომ დავფუძნდი, რომ ჩემი შვილებისთვის სტაბილურობა მიმეცა. ახლა იმავე სტაბილურობას მსოფლიოს სხვა კუთხეში ვეძებთ ოჯახთან, მეგობრებთან და ზღვასთან ახლოს. ჩვენი ცხოვრების ახალ თავს ვიწყებთ. მადლობა ყველას, ვინც ჩემთან ერთად განიცდიდით აქ, ბარსელონაში. ქალაქში, სადაც ვისწავლე, რომ მეგობრობა ბევრად დიდია, ვიდრე სიყვარული.”
ნახეთ შაკირას პოსტი
