აღსანიშნავია, რომ ეს პირველი შემთხვევა არაა, როდესაც Creams-ის შემოქმედებამ ცნობილი ამერიკელი მუსიკოსის კორტნი ლავის ყურადღება მიიპყრო. გასულ წელს კორტნიმ ქართველი მუსიკოსის სიმღერა DIE 4 YOU გამოაქვეყნა. ახლა კი, ინსტაგრამ გამომწერებს Creams-ის სიმღერა Sleep On Me გაუზიარა, რომელიც Netflix-ის პოპულარული სერიალის, ლუციფერის, საუნდტრეკიცაა.
„არ მჯერა, ეს უკვე მეორედ მოხდა და ლეგენდარულმა კორტნი ლავმა ჩემი ნამუშევარი გააზიარა. ეს ძალიან დიდ ძალას მაძლევს, ვაფასებ ამას და სამუდამოდ მადლობელი ვარ, რომ ხალხს უყვარს და აზიარებს იმას რასაც ვაკეთებ. ეს ჩემთვის მთელ სამყაროს ნიშნავს“ – წერს Creams ფეისბუქ გვერდზე.
„I enjoy being sent fabulous women who fucking rock @creams.creams. You go girl“ – წერს კორტნი ლავი ინსტაგრამ სთორიზე, სადაც მუსიკოსის ოფიციალური Youtube არხიც აქვს მონიშნული.
თებერვალში Creams-მა ახალი სიმღერა და ვიდეოკლიპი Need to Talk გამოაქვეყნა, სადაც მუსიკისა და ტექსტის ავტორი თავადვეა.
ნახეთ კორტნი ლავის ინსტაგრამ სთორი და Creams-ის სიმღერა Sleep On Me:
