ოფიციალურად დადასტურდა, რომ დუა ლიპა გრეტა გერვიგის ახალ ფილმში – Barbie-ში მსახიობის ამპლუაში გამოჩნდება. მომღერალი ფილმის ვარსკვლავურ შემადგენლობას შეუერთდა და ფილმში ქალთევზა ბარბის როლში ვიხილავთ.
ამის შესახებ ოფიციალურად ცნობილი მაშინ გახდა, როდესაც ფილმის პოსტერების სერია გამოქვეყნდა. ერთ-ერთ მათგანზე დუა ლიპაა აღბეჭდილი.
გამოქვეყნებულ პოსტერებში თითოეული მსახიობი ცნობილი სათამაშოს ბრენდირებით არის წარმოდგენილი. პოსტერებს ბარბის აღწერილობა და სტატუსი აქვს მითითებულ. მაგალითად დუა ლიპას პოსტერზე წერია – „ეს ბარბი ქალთევზაა“.
გრეტა გერვიგის ფილმში მთავარ როლს მარგო რობი ასრულებს. პროექტში ლიპას მონაწილეობაზე ხმები დიდი ხნის წინ გავრცელდა. ყველაფერი მაშინ დაიწყო, როდესაც სოციალური მედიის ერთ-ერთმა მომხმარებელმა შენიშნა, რომ ინსტაგრამზე ფილმის ოფიციალურ ანგარიშს დუა ლიპა ჰყავდა გამოწერილი.
არსებობს ვარაუდი, რომ დუა ლიპამ Barbie-ის პროექტთან მუსიკოსის ამპლუაშიც ითანამშრომლა, თუმცა ეს ჯერჯერობით დაუდასტურებელია.
ნახეთ Barbie-ის პოსტერი, რომელზეც დუა ლიპაა აღბეჭდილი:
