Pink Floyd-ის საარქივო ალბომი – The Dark Side of the Moon: Live, რომელიც ლონდონში 1974 წელს ჩაიწერა, Billboard-ის ჩარტების ათეულში მოხვდა.The Dark Side of the Moon: Live-მა „ყველაზე გაყიდვადი ალბომების ჩარტში“ მე-8 ადგილი დაიკავა. ალბომი სხვა კატეგორიის ჩარტებშიც ლიდერ პოზიციაზე აღმოჩნდა, მაგალითად: „როკ ალბომების ჩარტში“ მე-9 ადგილი დაიკავა, „ვინილის ჩარტში“ – მე-5, ხოლო „Billboard 200-ის ჩარტში“ – 49-ე ადგილი.
The Dark Side of the Moon: Live ლონდონში 1974 წელს Wembley Arena-ზე გამართული კონცერტის ჩანაწერია. მიუხედავად იმისა, რომ ამ შოუზე გაჟღერებული რამდენიმე სიმღერა ბენდის სხვადასხვა გამოცემაშია შესული, სრული კონცერტის ჩანაწერი დამოუკიდებელი ალბომის სახით პირველად 23 მარტს გამოიცა.
ალბომთან ერთად ასევე გამოიცა Dark Side of the Moon-ის სტუდიური ალბომის 50 წლის იუბილესადმი მიძღვნილი ე.წ. boxed set და 10 ტრეკისაგან შემდგარი ციფრული ალბომი. Boxed set აერთიანებს: ორ CD-ს, ვინილების სახით გამოშვებულ ორ LP-ს, Blu-ray ტექნოლოგიით გამოცემულ აუდიო დისკს, DVD აუდიო დისკს, ბენდის შესახებ ორ წიგნს და ორ ე.წ. „7-ინჩიან“ სინგლს.
