ნუცა ბუზალაძე American Idol-ის ტოპ 24 მონაწილეს შორისაა

შესარჩევი ტურების ბოლო რაუნდში ქართველმა მომღერალმა ტინა ტერნერის Proud Mary შეასრულა.

ნუცა ბუზალაძე American Idol-ის ტოპ 24 მონაწილეს შორისაა. შოუს ძირითადი შემადგენლობის არჩევის პირველი ეპიზოდი ABC-ს ეთერში გუშინ გავიდა. ტურში სახელწოდებით Showstoppers კონკურსანტები პირველად ასრულებენ სიმღერებს დიდ სცენაზე ბენდთან ერთად, რაც ჟიურის უკვე საშუალებას აძლევს, შეაფასოს მონაწილეების არა მხოლოდ ხმა, არამედ მათი სცენურობაც.

ნუცამ Showstoppers-ის ტურში ტინა ტერნერის სიმღერა Proud Mary შეასრულა. სიმღერის დასრულებისას ჟიურის წევრები ფეხზე წამოდგნენ. კეტი პერიმ კი აღნიშნა: „ჩვენ გაგიჟებული ვართ ნუცაზე.”

ეპიზოდში ნაჩვენები იყო ნუცას წინა გამოსვლაც და ინციდენტი, რომელიც დუეტების ტურში ქართველ მომღერალსა და მის მეტოქეს შორის მოხდა. მაშინ კეტი პერიმ ნუცას კეთილშობილებისკენ მოუწოდა. ქართველ მომღერალს კი, მეტოქისგან განსხვავებით, ინციდენტზე სცენიდან კომენტარი არ გაუკეთებია. გუშინდელ ეპიზოდში კი, ჟიურისთან პირისპირ შეხვედრის დროს, ნუცამ კეტი პერის მიმართა და საკუთარი საქციელი ახსნა.

„კეტი, ბოდიში მინდა მოგიხადოთ, რადგან მაშინ ძალიან ცუდად ვგრძნობდი თავს. როცა თქვენ მითხარით: „მეტი კეთილშობილება”, Მე მინდოდა, რომ ამბის ჩემი მხარეც მომეყოლა, მაგრამ თავს იმდენად ცუდად ვგრძნობდი… არ მინდოდა, სცენაზე უარყოფითი ენერგია შემომეტანა. ამიტომაც არაფერი ვთქვი. არ მინდოდა სცენაზე ავტირებულიყავი. როცა სცენიდან გავედი, განადგურებული ვიყავი. ამის გამო ბოდიშის მოხდა მინდა.”

ამ სიტყვების შემდეგ კეტი პერი სავარძლიდან წამოდგა, ნუცას ჩაეხუტა და უთხრა: „ეს შესანიშნავია. შენ ხარ ადამიანი დიდი გულით. და ასევე დიდი ნიჭით!” 

ამის შემდეგ უკვე ვერდიქტის გამოცხადების დრო მოვიდა, რაც თავის თავზე ისევ კეტი პერიმ აიღო, რომელმაც ჟიურის გადაწყვეტილება საკმაოდ დამაბნევლად გაახმოვანა.

„ჩვენ არ გადაგიყვანეთ ტოპ 24-ში… ეს შენ გადაიყვანე შენი თავი შენი გასაოცარი ნიჭით. ეს ჩვენ არ გაგვიკეთებია, შენ გააკეთე. Რაც არ უნდა დამაბნეველი იყოს ახლა ეს ყველაფერი – შენ ტოპ 24-ში ხარ!”

American Idol-ის ძირითადი 24-ეულის მეორე ნაწილის ვინაობა დღევანდელ ეპიზოდში გახდება ცნობილი. შემდეგი კვირიდან კი უკვე ხმის მიცემის ეტაპი დაიწყება და მონაწილეთა ბედს მაყურებელი გადაწყვეტს.

Ნახეთ American Idol-ის ეპიზოდი ნუცას შესახებ

Share
Tweet
Share
Share
Share

წინა სტატია

Khondzi

ხონძის „ფერხული“ და ჯგუფი „კვინტური ფიზიკა“

შემდეგი სტატია

Pink Floyd-ის The Dark Side of the Moon: Live „ყველაზე გაყიდვადი ალბომების ჩარტის“ წამყვან ათეულშია

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

OneRepublic – მსოფლიო ჰიტების ავტორი ბენდი Starring Georgia-ს სცენაზე

მსოფლიო მუსიკალურ სცენაზე გამოჩენიდან დღემდე ბენდმა 16 მილიონზე მეტი ჩანაწერი გაყიდა და შეძლო, რომ ყველა ალბომში წარედგინა ისეთი ტრეკი, რომელიც მსოფლიო ჰიტი ხდებოდა.
მეტი
Ninshū- (ლევან ქათამაძე)

ქართველი არტისტის,  Ninshū-ს (ლევან ქათამაძე) ახალი ალბომი   Presence –  ინტერვიუ Billboard საქართველოსთან

„ალბომზე მუშაობა დავიწყე 2023 წლის თებერვალში და, რაც უფრო მეტს ვმუშაობდი მასზე, მით უფრო აშკარა ხდებოდა ალბომის მთავარი სათქმელი და საბოლოოდ ალბომს დაერქვა Presence ანუ აწმყო.“
მეტი

ტეილორ სვიფტმა ვიდეო გამოაქვეყნა, სადაც სახე Post Malone-ის მსგავსი ტატუებით აქვს მოხატული

Fortnight ტეილორ სვიფტის პირველი მუსიკალური ვიდეოა ახალი ალბომიდან სახელწოდებით The Tortured Poets Department.
მეტი

ვაშინგტონის „ამერიკულმა უნივერსიტეტმა” ტეილორ სვიფტთან დაკავშირებული ეკონომიკის კურსი – Swiftonomics წარადგინა

მომღერალთან დაკავშირებული თემატური კურსები უკვე არსებობს ისეთ სახელგანთქმულ უნივერსიტეტებში, როგორებიც არის ჰარვარდი, სტენფორდი და სხვები.
მეტი
Aine Merme

Aine Merme-ს მუსიკალური საღამო

„ახალი EP სულ ოთხი სიმღერისგან შედგება რომელიც მუსიკის ჩემეულ აღქმას ასახვას და ინსტრუმენტული მუსიკის შესაძლებლობებს სხვადასხვა ეპოქის ჟანრების მიჯნაზე იკვლევს.“
მეტი