აარონ კარტერის გარდაცვალებიდან 5 თვის შემდეგ მისი გარდაცვალების მიზეზი ცნობილია.
ლოს ანჯელესის სამედიცინო-საგამოძიებო სამსახურმა დაადგინა, რომ მომღერლის გარდაცვალება შემთხვევითი იყო და ის დიფლუოროეთანის შეყნოსვისა და ალპრაზოლამის მიღების შემდეგ საკუთარი სახლის აბაზანაში დაიხრჩო.
გავრცელებული განცხადების თანახმად, გაზის, რომელიც კომპრესირებული აირის ქილებში გამოიყენება და ქსანაქსის ჯენერიკ ვერსიის სასიკვდილო კომბინაციამ გამოიწვია ის, რომ კარტერი აბაზანაში უუნარო მდგომარეობაში აღმოჩნდა და წყლის ქვეშ ჩაცურდა.
კარტერის გარდაცვალებისას მისმა უფროსმა ძმამ, Backstreet Boys-ის ვარსკვლავმა ნიკ კარტერმა მას ემოციური ტექსტი მიუძღვნა: „ჩემი გული დამსხვრეულია. მიუხედავად იმისა, რომ მე და ჩემს ძმას რთული ურთიერთობა გვქონდა, ჩემი სიყვარული მის მიმართ არასდროს გახუნებულა. მე ყოველთვის მქონდა იმედი, რომ ოდესმე როგორღაც მოინდომებდა, ჯანმრთელ გზას დასდგომოდა და იპოვიდა დახმარების ხელს, რომელიც ასე სჭირდებოდა… ღმერთო, გთხოვ, იზრუნე ჩემს უმცროს ძმაზე.” მალევე ნიკ კარტერმა ძმის სახელზე ფსიქიკური ჯანმრთელობის ფონდიც შექმნა.
