Doja Cat სოციალური მედიის კრიტიკის სამიზნე გახდა. რამდენიმე დღის წინ არტისტმა ახალი ტატუს ფოტო გამოაქვეყნა. კრიტიკა სწორედ ტატუს დიზაინმა გამოიწვია – ეს იყო ცხოველის ფიგურა ქალის სხეულის ნაწილებით. სოციალური ქსელების მომხმარებელთა ნაწილმა ვარსკვლავის ტატუში დემონის გამოსახულება დაინახა.
როდესაც მუსიკოსმა ახალი ალბომის შესახებ ტვიტერზე პოსტი დაწერა, სოციალური ქსელის ერთ-ერთმა მომხმარებელმა Doja Cat-ს მიმართა – „რა აზრი აქვს მუსიკის წერას და რაიმეს შექმნას, თუ ის დროს არ გაუძლებს?! ვიმედოვნებ, რომ მასზეც სატანისტური გავლენა არ არის“. ტატუს შესახებ მოსაზრება გამოთქვეს ტვიტერის სხვა მომხმარებლებმაც. აღსანიშნავია, რომ არტისტმა პასუხი ორივე მათგანს დაუბრუნა. Doja Cat-ის გამოხმაურებაში ღიად სარკასტული დამოკიდებულება იგრძნობოდა. „თუკი სატანისტს მიწოდებთ, ამას ვაფასებ, რადგან მომწონს, რომ გულწრფელი ხართ“ – აღნიშნა არტისტმა.
მას შემდეგ, რაც მუსიკოსმა ახალი ტატუს ფოტო გამოაქვეყნა, მან ამ გამოსახულების წარმომავლობისა და მნიშვნელობის შესახებ განმარტებას კიდევ ერთი პოსტი მიუძღვნა. Doja Cat-ის ინსტაგრამზე ე.წ. კარუსელის სახით ატვირთული ფოტოები მიუთითებს, რომ ტატუს ინსპირაცია იტალიელი ფიზიკოსისა და ფილოსოფოსის, ფორტუნიო ლიჩეტის ილუსტრაციებია. ილუსტრაციების სერიის სახელწოდებაა „მონსტრები“ და ის 1655 წლით თარიღდება.
კრიტიკის პარალელურად, Doja Cat-ის თაყვანისმცემლებმა ვარსკვლავს მხარი დაუჭირეს. როგორც მუსიკოსის გულშემატკივრები აღნიშნავდნენ, ხშირად ადამიანები სატანისტურს უწოდებენ იმას, რაც მათთვის უცხოა და უბრალოდ არ ესმით.
ნახეთ Doja Cat-ის ახალი ტატუ და პასუხები, რომლითაც ვარსკვლავი კრიტიკას გამოეხმაურა:
slay girl yas
— DOJA CAT (@DojaCat) April 16, 2023
honestly werk
— DOJA CAT (@DojaCat) April 16, 2023
if ur calling me demonic honestly werk cuz like i love that u ate fr.
— DOJA CAT (@DojaCat) April 16, 2023
