ამერიკის კინოაკადემიის რიგით 96-ე დაჯილდოება 2024 წლის 10 მარტს გაიმართება. 2024 წლის დაჯილდოების ცერემონია კვლავაც Dolby Theatre-ში ჩატარდება, ხოლო სატელევიზიო ტრანსლაცია ამჯერადაც ტელეარხ ABC-ზე გადაიცემა.
ამერიკის კინოაკადემიამ ასევე გაავრცელა ყველა მნიშვნელოვანი ღონისძიების თარიღი, რომელიც დაჯილდოების ცერემონიას წინ უძღვის. ამჯერად ფინალური რაუნდის გამარჯვებულთა გამოსავლენად ხმების დათვლის ვადა გაიზარდა და ხუთი დღის მაგივრად, 12 დღით განისაზღვრა. Საბოლოო ნომინანტები კი ნომინაციების ხმის მიცემის რაუნდის დასრულებიდან 7 დღეში დასახელდებიან.
იხილეთ 96-ე დაჯილდოების მზადების ფარგლებში დაგეგმილი ღონისძიებების თარიღები:
კატეგორიებზე განაცხადის შეტანის ვადა: 2023 წლის 15 ნოემბერი
Governors Awards-ის ცერემონია: 2023 წლის 18 ნოემბერი
წინასწარი კენჭისყრის გახსნა: 2023 წლის 14 დეკემბერი, შეერთებული შტატების დროით, საღამოს 9 საათი
წინასწარი კენჭისყრის დახურვა: 2023 წლის 18 დეკემბერი, შეერთებული შტატების დროით, საღამოს 5 საათი
ოსკარის ნომინანტთა მოკლე სიის, ე.წ. შორტლისტის დასახელება: 2023 წლის 21 დეკემბერი
ნამუშევრის პრემიერისათვის განკუთვნილი პერიოდის დასრულების ვადა: 2023 წლის 31 დეკემბერი
ნომინაციების ხმის მიცემის ეტაპის გახსნა: 2024 წლის 11 იანვარი, შეერთებული შტატების დროით, საღამოს 9 საათი
ნომინაციების ხმის მიცემის ეტაპის დახურვა: 2024 წლის 16 იანვარი, შეერთებული შტატების დროით, საღამოს 5 საათი
ოსკარის ნომინაციების გამოცხადება: 2024 წლის 23 იანვარი
ოსკარის ნომინანტების დახურული მიღება: 2024 წლის 12 თებერვალი
გამარჯვებულების გამოსავლენად ხმის მიცემის ეტაპის გახსნა: 2024 წლის 22 თებერვალი, შეერთებული შტატების დროით, საღამოს 9 საათი
Scientific and Technical Awards-ის ცერემონია: 2024 წლის 23 თებერვალი
გამარჯვებულების გამოსავლენად ხმის მიცემის ეტაპის გახსნა: 2024 წლის 27 თებერვალი, შეერთებული შტატების დროით, საღამოს 5 საათი
ოსკარის დაჯილდოების 96-ე ცერემონია: 2024 წლის 10 მარტი
ამერიკის კინოაკადემიის დაჯილდოებასთან დაკავშირებული აღნიშნული თარიღები შესაძლოა შეიცვალოს.
