ახალი წიგნი ემი უაინჰაუსის ხელნაწერი ტექსტებით, ფოტოებით და პირადი დღიურებით 2023 წლის ზაფხულს, გარდაცვლილი მომღერლის ორმოცი წლის დაბადების დღისთვის გამოვა.
„ემი უაინჰაუსის სქელ ყდიანი წიგნი In Her Words 29 აგვისტოს გამოვა. 288 გვერდიანი კრებული ბრწყინვალედ წარმოაჩენს მისი წერის წარმოუდგენელ ნიჭს, გონებას, ხიბლს და სიცოცხლისადმი ლტოლვას“.- ნათქვამია HarperCollins განცხადებაში.
პირადი ნივთების კრებული არტისტის შემოქმედებით ზრდის პროცესს ასახავს, რომელიც ლონდონის ჩრდილოეთ ნაწილში დაბადებული გოგონას წარმატებისკენ განვლილ გზას გვიჩვენებს.
ემი უაინჰაუსმა 2008 წელს ხუთი გრემი მიიღო.
მომღერალი 27 წლის ასაკში ალკოჰოლის მოწამვლის შედეგად 2011 წლის 23 ივლისს გარდაიცვალა. არტისტის მშობლების ჯენისის და მიტჩის მხარდაჭერით გამომცემლობამ მისი პირადი მოგონებები შეადგინა, რაც თაყვანისმცემლებს ემის შემოქმედებითი პროცესის უკეთ გაცნობაში დაეხმარება.
მალე სემ ტეილორ-ჯონსონის რეჟისორობით, მომღერლის ბიოგრაფიული ფილმი Back to Black გამოვა, რომელშიც მთავარ როლს მარისა აბელა ასრულებს.
ნახეთ ემი უაინჰაუსის წიგნის გარეკანი:
Coming this August, a new book, Amy Winehouse: In Her Words, will shine a spotlight on Amy’s incredible writing talent, her wit, her charm and lust for life.
— Amy Winehouse (@amywinehouse) April 26, 2023
Find out more here: https://t.co/gI144r9rWE pic.twitter.com/hNJQvNLfsC
