ქართველი არტისტი ნათია თოდუა, გერმანიაში ახალ ბენდთან ერთად გულშემატკივარს ბევრ, საინტერესო სიახლეს ჰპირდება. გერმანიაში მუსიკოსი სხვადსახვა ფესტივალებსა თუ კონცერტერბზე ხშირად მონაწილეობს. 2017 წელს ნათია გერმანული „ვოისის“ გამარჯვებული გახდა.
„ნათია თოდუამ, 2017 წლის The Voice of Germany-ზე მთელი გერმანია თავისი გამორჩეული ხმით, ქარიზმატულობით და არაჩვეულებრივი გარეგნობით მოიცვა და საბოლოოდ გამარჯვებაც მოიპოვა. წელს, პირველად იგი პინიბერგში, ზაფხულის ჯაზ-ფეტივალზე წარდგება” – წერს ჯაზ ფესტივალის ოფიციალური გვერდი ინსტაგრამზე.
ნათია თოდუა:
„რამდენიმე დღის წინ მე და ჩემი ბენდი ახალ პროექტზე მუშაობას მოვრჩით, ახალი სიმღერა ჩავწერეთ და ძალიან კარგი სიმღერის ქავერ ვერსია, ჩვენებურად გავაკეთეთ, რომელიც ვფიქრობ მსმენელისთვის ახლებური იქნება. ახალი სეზონისთვის მოვამზადეთ პროგრამები, როგორც საკუთარი სიმღერები ასევე ქავერ სიმღერები. ვემზადებით წელს ზაფხულს ფესტივალებზე გასასვლელად, მათ შორის Summerjazz Pinneberg-ის ფესტივალზე. რა თქმა უნდა ამ წლის ახალი სტარტი ძალიან მნიშვნელოვანია, თან იმ ემოციებით, როგორშიც ახლა მე ვარ, რადგან დედა გავხდი.“
ნათია თოდუას ახალი ბენდის შემადგენლობაში არიან კლაუდიო ჯოვანი კონსოლი – გიტარა, კლაუდიო როდიგეს ზაპატა კლავიში / აკორდეონი, ანტონიო ფორტინო – ბას გიტარა და სებასტიან როსალეს მორანდე – დრამი.
„ჩემი ბენდი შარშან ბერლინში შევკარი. წელს უკვე ძალიან კარგ ფორმაში ვართ, ვემზადებით ახალი კონცერტებისთვის და ფესტივალებისთვის, ვფიქრობ პროექტი შედგა. ბენდი არის ძალიან ენერგიული, ფერადი, პოზიტიური და იმედი მაქვს ამ შემადგენლობით შესრულებული ჩემი ახალი სიმღერები და ასევე ჩემი ძველი სიმღერები ალბომიდან მსმენელს ძალიან მოეწონება. რაც შეეხება ფესტივალს ძალიან გვიხარია და რა თქმა უნდა მალე გაგიზიარებთ სხვა კონცერტების და ფესტივალების თარიღებს, რომელიც ძალიან მალე გახდება ცნობილი.“
