Doja Cat-მა 2023 წლის Met Gala-ზე თავისი სახელი გაამართლა და კატის ფორმაში მოგვევლინა. თუმცა არა უბრალოდ ნებისმიერი კატის, არამედ კარლ ლაგერფილდის საყვარელი კატა შუპეტის ფორმაში. მომღერლის გარეგნობაზე სტილისტმა ბრეტ ალან ნელსონმა იზრუნა და ის იდეალურად ჩაჯდა წლევანდელი Met Gala-ს თემაში: „კარლ ლაგერფილდი: სილამაზის ხაზი”.
კატა შუპეტის, რომელიც ლაგერფილდმა 2011 წელს აიყვანა, ინსტაგრამის ოფიციალურ გვერდზე ღონისძიებამდე რამდენიმე საათით ადრე დაიწერა, რომ ის ღონისძიებას არ დაესწრებოდა. „ბევრმა დამპატიჟა Met Gala-ს წითელ ხალიჩაზე, რომელიც მამას ეძღვნება. მაგრამ ჩვენ გვირჩევნია სახლში დავრჩეთ მშვიდად და მყუდროდ” – წერია პოსტში, რომელსაც თან კატის ფოტო ერთვის. „ჩვენ მას ყოველდღე მივაგებთ პატივს მისი გარდაცვალების შემდეგ და ამაღელვებელია კიდევ ერთი ასეთი დღის ყურება.”
მიუხედავად Met Gala-ზე შუპეტის ფიზიკურად არყოფნისა, Doja Cat-ის წყალობით ის ღონისძიებაზე მაინც წარმოჩნდა.
Dimitrios Kambouris/Getty Images for The Met Museum/Vogue
