მსახიობი ჯეიკ ჯილენჰოლი კელი კლარკსონის შოუში მიწვეული სტუმრის ამპლუაში გამოჩნდა. შოუს მიმდინარეობისას, მსახიობმა მუსიკალურ თამაშში, სახელწოდებით Sing That Name That Tune მიიღო მონაწილეობა. თამაშში ჯილენჰოლის კონკურენტი თავად შოუს წამყვანი კელი კლარკსონი იყო.
თამაშის დაწყებამდე ჯილენჰოლმა გაამხილა, რომ საკუთარი მუსიკალური შესაძლებლობების გამო, თავდაჯერებული არ იყო. „სანამ დავიწყებთ, მინდა აუდიტორიას ბოდიში მოვუხადო“ – აღნიშნა მსახიობმა.
მიუხედავად ასეთი განწყობისა, ვარკსვლავმა თამაშის ყველა რაუნდი მოიგო. თამაშის წესების გათვალისწინებით, მან აუდიტორიის წინაშე ისეთი სიმღერების ფრაგმენტები შეასრულა, როგორებიც არის: ბილი რეი საირუსის Achy Breaky Heart, The Proclaimers-ის I’m Gonna Be (500 Miles).
ბოლო რაუნდში ბენდმა The Killers-ის Mr. Brightside-ის მელოდია გააჟღერა. ჯეიკ ჯილენჰოლმა და კელი კლარკსონმა სიმღერა ერთად შეასრულეს.
„ვინ იფიქრებდა, რომ ასეთი ადვილი იქნებოდა?“ – მსახიობმა ხუმრობით აღნიშნა მას შემდეგ, რაც თამაშში გაიმარჯვა.
ნახეთ ვიდეო:
