Met Gala-ს დასრულების შემდეგ, კენდალ ჯენერი და Bad Bunny ერთად დააფიქსირეს. მოდელი და პუერტო-რიკოელი რეპერი Met Gala-ს სტუმრების სიაში იყვნენ. მიუხედავად იმისა, რომ ვარსკვლავები ხალიჩაზე ცალ-ცალკე გამოჩნდნენ, Met Gala-ს შემდგომ წვეულებას ერთად ესწრებოდნენ. პაპარაცებმა აღბეჭდეს, თუ როგორ ტოვებენ კენდალი და Bad Bunny დახურულ წვეულებას.
ეს პირველი შემთხვევა არ არის, როცა კენდალ ჯენერი და Bad Bunny ერთმანეთის გვერდით შენიშნეს. 2023 წელს ისინი საჯარო სივრცეებში ერთად რამდენჯერმე გამოჩნდნენ. სოციალურ ქსელებსა და მედიაში სწორედ აქედან გაჩნდა მოსაზრება, რომ ჯენერი და Bad Bunny ერთმანეთს ხვდებოდნენ. რამდენიმე კვირის წინ კი, ვარსკვლავები ფესტივალ Coachella-ზეც ერთად დააფიქსირეს.
გარდა ამისა, პაპარაცების გადაღებულ ფოტოებში მოხვდა მომენტი, როცა კენდალი, Bad Bunny, ჯასტინ და ჰეილი ბიბერები ერთად ვახშმობდნენ.
ნახეთ Met Gala-ს შემდგომ წვეულებაზე ერთად მიმავალი Bad Bunny და კენდალ ჯენერი:
