გასულ კვირას კიანუ რივზმა და Dogstar-ის ბენდის წევრებმა ლოს -ანჯელესში, ერთ-ერთი სახლის სახურავზე სარეკლამო პრომო ფოტოები გადაიღეს და ოცი წლის შემდეგ, პირველად, ბენდის ახალი სიმღერის გამოსვლა დააანონსეს.
„ბოლო სეტი, Lincoln Heights-ის სახურავზე, @dogstarband-ის ფოტო სესიისთვის. ახალ ამბებს სულ მალე შეიტყობთ, მადლობა მოთმინებისთვის.“ – ნათქვამია გამოქვეყნებული ფოტოს აღწერაში. Dogstar ბენდის წევრები ბასისტი და მომღერალი კიანუ რივზი, მომღერალი და გიტარისტი ბრეტ დომროუზი და დრამერი რობერტ მეილჰაუსი არიან.
ბენდი გასულ ზაფხულს გაერთიანდა. 2022 წლის ოქტომბერში მათმა ხანმოკლე პერფორმანსმა მედიის ყურადღება მიიპყრო.
1996 წელს Dogstar-მა ოთხი სიმღერისგან შემდგარი EP სახელწოდებით Quattro გამოუშვა. ამავე წელს სადებიუტო ალბომი Our Little Visionary, მხოლოდ იაპონიაში გამოსცეს.
1999 წელს ტრიომ ალბომი Happy Ending გამოუშვა. ეს იყო ბოლო ერთობლივი ნამუშევარი. ბენდის სამივე წევრი სხვადასხვა პროექტებზე სამუშაოდ გადაერთო. Dogstar-მა გასული წლის ივლისიდან თაყვანისმცემლების რეტრო ფოტოების და შეტყობინებების „ჩვენ დავბრუნდის“ გამოქვეყნებით ყურადღება მიიპყრო. პერიოდულად კი, ხმის ჩამწერი სტუდიიდან ცოცხალი სესიის ვიდეოებს აქვეყნებდნენ.
დეკემბერში Dogstar-მა განაცხადა, რომ დახურული შოუსთვის ემზადებიან, გაზაფხულზე კი ახალი ალბომის გამოცემას გეგმავენ. „მადლობა ყველას კეთილი სურვილებისთვის, გვიხარია მსგავსი გამოხმაურება, სიმართლე გითხრათ ამას არ ველოდით. ეს გვაიძულებს კიდევ უფრო ბევრი დავუკრათ. ამ ზაფხულს ახალ სიმღერებს გამოვაქვეყნებთ, რასაც ჩვენი კონცერტებიც მოჰყვება. კიდევ ერთხელ მადლობა მოთმინებისთვის, ჩვენ ნამდვილად საუკეთესო და ყველაზე ერთგული გულშემატკივარი გვყავს.“ – დაამატა ბენდმა პოსტის კომენტარებში.
ნახეთ Dogstar-ის პოსტი და რეპეტიციის კადრები:
