ედ შირანმა მეექვსე სტუდიური ალბომი გამოუშვა სახელწოდებით Substract. თუმცა, როგორც აღმოჩნდა, მომღერალს ფანებისთვის კიდევ ერთი სიურპრიზი ჰქონდა: სრული ვიზუალური ალბომი, რაც ნიშნავს ვიდეოკლიპს ალბომში შემავალ ყველა კომპოზიციაზე.
ალბომის გამოცემასთან ერთად შირანმა 12 ახალი ვიდეოკლიპი გამოუშვა. მანამდე მომღერალს 2 ვიდეოკლიპი ჰქონდა გადაღებული ალბომის 2 სინგლზე – Eyes Closed და Boat.
ვიდეოკლიპების რეჟისორი მია ბარნსია და ყველა მათგანი გადაღებულია შირანის მშობლიურ ქალაქში საფოლკში. ერთ-ერთი ყველაზე ძლიერი ვიზუალით გამოირჩევა ვიდეო სიმღერაზე Sycamore, რომელიც ეძღვნება იმ უძლურების გრძნობას, რომელიც მომღერალს მეუღლის სიმსივნის დიაგნოზის გაგების შემდეგ ჰქონდა. მაშინ ჩერი სიბორნი 6 თვის ფეხმძიმე იყო წყვილის მეორე ქალიშვილზე. ამჟამად სიბორნი დაავადებისგან განკურნებულია.
Substract ედ შირანის მათემატიკური დასახელების ალბომების ბოლო, მეექვსე ნაწილია. მომღერლის მათემატიკური ალბომების სერია 2011 წელს დაიწყო ალბომით “+”.
ნახეთ ვიდეოკლიპები ედ შირანის ახალი ალბომიდან
